नवी दिल्ली, 06 मे (हिं.स.)। देशांतर्गत शेअर बाजारात आज सुरुवातीच्या व्यवहारादरम्यान वरच्या स्तरावरून दबाव निर्माण होताना दिसत आहे. आजच्या व्यवहाराची सुरुवात मजबुतीसह झाली होती. बाजार उघडताच सेन्सेक्स आणि निफ्टी या दोन्ही निर्देशांकांच्या हालचालीत आणखी वेग आला. मात्र काही वेळातच नफा वसुली सुरू झाल्यामुळे त्यांच्या हालचालीत घसरणीचा कल निर्माण झाला. दिलासादायक बाब म्हणजे विक्रीचा दबाव असूनही हे दोन्ही निर्देशांक सतत हिरव्या चिन्हातच व्यवहार करत राहिले. पहिल्या तासाचा व्यवहार पूर्ण झाल्यानंतर सेन्सेक्स ०.३४ टक्के आणि निफ्टी ०.४१ टक्क्यांच्या वाढीसह व्यवहार करत होते.
सुरुवातीच्या एका तासाच्या व्यवहारानंतर शेअर बाजारातील प्रमुख शेअर्समध्ये इंटरग्लोब एव्हिएशन, महिंद्रा अँड महिंद्रा, ट्रेंट लिमिटेड, बजाज ऑटो आणि बजाज फिनसर्व यांच्या शेअर्समध्ये ३.१७ टक्क्यांपासून ते १.४८ टक्क्यांपर्यंत वाढ दिसून येत होती. दुसरीकडे लार्सन अँड टुब्रो, हिंदुस्तान युनिलिव्हर, टायटन कंपनी, पॉवर ग्रिड कॉर्पोरेशन आणि ओएनजीसी यांच्या शेअर्समध्ये ३.३४ टक्क्यांपासून ते ०.६४ टक्क्यांपर्यंत घसरण होताना दिसत होती.
आतापर्यंतच्या व्यवहारात शेअर बाजारात २,७७७ शेअर्समध्ये सक्रिय व्यवहार होत होता. यापैकी १,९४० शेअर्स नफ्यात राहून हिरव्या चिन्हात व्यवहार करत होते, तर ८३७ शेअर्स तोट्यात राहून लाल चिन्हात व्यवहार करत होते. याचप्रमाणे सेन्सेक्समधील ३० शेअर्सपैकी २३ शेअर्स खरेदीच्या आधारामुळे हिरव्या चिन्हात होते, तर ७ शेअर्स विक्रीच्या दबावाखाली लाल चिन्हात होते. निफ्टीमधील ५० शेअर्सपैकी ४१ शेअर्स हिरव्या चिन्हात तर ९ शेअर्स लाल चिन्हात व्यवहार करताना दिसत होते.
बीएसईचा सेन्सेक्स आज ४०६.५७ अंकांच्या वाढीसह ७७,४२४.३६ या स्तरावर उघडला. व्यवहार सुरू होताच खरेदीच्या आधारामुळे हा निर्देशांक उछळून ७७,६७५.०१ या स्तरापर्यंत पोहोचला. त्यानंतर बाजारात विक्रीचा दबाव निर्माण झाला, ज्यामुळे या निर्देशांकाच्या हालचालीत घसरण सुरू झाली. बाजारात सुरू असलेल्या खरेदी-विक्रीदरम्यान पहिल्या तासाचा व्यवहार पूर्ण झाल्यानंतर सकाळी १०:१५ वाजता सेन्सेक्स २६१.७६ अंकांच्या वाढीसह ७७,२७९.५५ या स्तरावर व्यवहार करत होता.
सेन्सेक्सप्रमाणेच एनएसईचा निफ्टी आज १३८.२० अंकांच्या वाढीसह २४,१७१ या स्तरावर उघडला. बाजार उघडताच खरेदीच्या आधारामुळे हा निर्देशांक २४,२५०.८५ या स्तरापर्यंत गेला. त्यानंतर नफा वसुलीमुळे विक्रीचा दबाव निर्माण झाला. सततच्या विक्रीमुळे निफ्टीच्या हालचालीतही घसरणीचा कल दिसू लागला. मात्र दिलासादायक बाब म्हणजे विक्री असूनही हा निर्देशांक सतत हिरव्या चिन्हात राहिला. बाजारातील खरेदी-विक्रीदरम्यान पहिल्या तासाचा व्यवहार पूर्ण झाल्यानंतर सकाळी १०:१५ वाजता निफ्टी ९९.७० अंकांच्या वाढीसह २४,१३२.५० या स्तरावर व्यवहार करत होता.
याआधी मंगळवारी झालेल्या मागील व्यवहारात सेन्सेक्स २५१.६१ अंक म्हणजेच ०.३३ टक्क्यांच्या घसरणीसह ७७,०१७.७९ या स्तरावर बंद झाला होता. तर निफ्टी ८६.५० अंक म्हणजेच ०.३६ टक्क्यांच्या घसरणीसह २४,०३२.८० या स्तरावर बंद झाला होता.
---------------
हिंदुस्थान समाचार / Suraj Chaugule
