* एकूण वसुली सुमारे ४.६ लाख कोटी रूपये
मुंबई, 06 मे (हिं.स.) - जीवन विमा उद्योगाने आर्थिक वर्ष २०२६ मध्ये जोरदार गती नोंदवली असून त्यात एकूण नवीन व्यवसाय प्रीमियम आर्थिक वर्ष २०२५ मधील ३,९७,३३७ कोटी रूपयांच्या तुलनेत वार्षिक १५.७ टक्क्यांनी वाढून ४,५९,७१३ कोटी रूपायंवर पोहोचला.
उद्योगाने मार्च २०२६ या महिन्यासाठी नवीन व्यवसाय प्रीमियममधून ७५,८७२ कोटी रूपये गोळा केले. त्यात मार्च २०२५ मधील ६१,४३९ कोटी रूपयांच्या तुलनेत मोठी वाढ दिसून आली असून वैयक्तिक व समूह या दोन्ही विभागांमध्ये मागणी कायम असल्याचे अधोरेखित करते.
ही वाढ प्रामुख्याने समूह व्यवसाय विभागामुळे झाली. त्याने एकूणच विस्तारात मोठे योगदान दिले. समूह एकल प्रीमियम वार्षिक १७.५ टक्क्यांनी वाढून २,४९,७६६ कोटी रूपयांवर पोहोचला, तर समूह वार्षिक नूतनीकरणक्षम प्रीमियममध्ये ३९.० टक्क्यांची भरीव वाढ दिसून आली. समूह बिगर-एकल प्रीमियमनेही पाया कमी असला तरी मोठी वाढ नोंदवली.
वैयक्तिक विभाग स्थिर राहिला. त्यातून स्थिर रिटेल सहभाग दिसून येतो. वैयक्तिक नॉन-सिंगल प्रीमियम १०.१ टक्क्यांनी वाढून १,२६,९०० कोटी रूपयांवर पोहोचला, तर वैयक्तिक सिंगल प्रीमियम १२.३ टक्क्यांनी वाढून ५७,६६४ कोटी रूपयांवर पोहोचला. त्यातून दीर्घकालीन बचत आणि संरक्षण उत्पादनांसाठी असलेली सातत्यपूर्ण मागणी दिसून येते.
पॉलिसी जारी करण्याबाबत उद्योगाने आर्थिक वर्ष २०२६ दरम्यान २.८३ कोटींहून अधिक पॉलिसी जारी केल्या. ही मागील वर्षाच्या तुलनेत ४.७ टक्के वाढ आहे. पॉलिसी संख्येच्या तुलनेत प्रीमियममधील ही तुलनेने जास्त वाढ सरासरी विक्रीत झालेली वाढ अधोरेखित करते. ते सुधारित उत्पादन मिश्रण आणि आर्थिक नियोजनाचे साधन म्हणून जीवन विम्यावरील वाढत्या ग्राहक विश्वासाकडे निर्देश करते.
आर्थिक वर्ष २०२६ मधील जीवन विमा उद्योगाची दमदार कामगिरी ही भारतीय कुटुंबांमध्ये वाढणारी जागरूकता आणि नियोजित आर्थिक संरक्षणाकडे होणारा हळूहळू बदल दर्शवते. वाढीची १५.७% टक्केवारी उत्साहवर्धक असून, त्यातून वाढलेली संरक्षण जागरूकता, व्यापक वितरण पोहोच आणि उत्पादनांमधील सातत्यपूर्ण नावीन्य यांच्या एकत्रित परिणामावर प्रकाश टाकतो. समूह व्यवसाय वेग देत असला तरी वैयक्तिक विभागांमधील स्थिर विस्तार विशेषतः उत्साहवर्धक आहे. तथापि, संरक्षणातील मोठी तफावत जागरूकता वाढवण्याची आणि लवकर स्वीकार करण्यास प्रोत्साहन देण्याची गरज अधोरेखित करते. विमा जागरूकता समिती म्हणून आमचे सातत्यपूर्ण लक्ष देशभरात आर्थिक लवचिकता मजबूत करण्यासाठी जीवन विम्याबद्दल शाश्वत जागरूकता वाढवणे, समज सुधारणे आणि लवकर स्वीकार करण्यास प्रोत्साहन देण्यावर आहे, असे विमा जागरूकता समिती (आयएसी-लाइफ) चे अध्यक्ष कमलेश राव म्हणाले.
---------------
हिंदुस्थान समाचार / सुधांशू जोशी
