मुंबई, 18 जून (हिं.स.) : वॉटरवेज लेझर टुरिझम (Waterways Leisure Tourism Limited) आपल्या पहिल्यावहिल्या इनिशियल पब्लिक ऑफर (आयपीओ) साठी रु. १०/- दर्शनीमूल्य असलेल्या प्रति इक्विटी शेअरसाठी ₹ ७६९/- ते ₹ ८०८/- चा किंमतपट्टा (Price Band) निश्चित केला आहे.

​कंपनीचा इनिशियल पब्लिक ऑफरिंग (“आयपीओ” किंवा “इश्यू”) २३ जून, २०२६ रोजी सबस्क्रिप्शनसाठी खुला होईल आणि २५ जून, २०२६ रोजी बंद होईल.

​गुंतवणूकदार किमान १८ इक्विटी शेअर्ससाठी आणि त्यानंतर १८ इक्विटी शेअर्सच्या पटीत बोली लावू शकतात.

​आजच्या तारखेला आऊटस्टॅडिंग (outstanding) असलेले एकूण इक्विटी शेअर्स रु. १०/- दर्शनी मूल्याचे ६५१,५४४,४४० इक्विटी शेअर्स आहेत. ​हा आयपीओ ५८५ कोटी रुपयांपर्यंतचा फ्रेश इश्यू (नवीन शेअर्सची विक्री) आहे. या ताज्या इश्यूमधून मिळणाऱ्या रकमेपैकी ४८० कोटी रुपयांपर्यंतचा निधी हा कंपनीची दुय्यम उपकंपनी (step-down subsidiary), बेक्रूझ शिपिंग अँड लीझिंग (आयएफएससी) प्रायव्हेट लिमिटेड (Baycruise IFSC) च्या लीझ रेंटल्स आणि मासिक लीझ पेमेंटसाठी ठेव/अग्रिम (deposit/advance) म्हणून भरण्यासाठी वापरला जाईल, तर उर्वरित रक्कम सामान्य कॉर्पोरेट उद्दिष्टांसाठी (General Corporate Purposes) वापरली जाईल.

​कंपनी सध्या 'एमव्ही एम्प्रेस' (MV Empress) नावाचे क्रूझ जहाज चालवते. या जहाजाच्या शुभारंभापासून ३१ मार्च, २०२६ पर्यंत ७३०,८१९ प्रवाशांनी या क्रूझवरून प्रवास केला आहे, ज्याने भारतीय किनारपट्टी आणि आसपासच्या देशांमध्ये ३२१,२९२.५३ पेक्षा जास्त नॉटिकल मैलांचे अंतर कापले आहे. आर्थिक वर्ष २०२५ मध्ये, मूल्याच्या बाबतीत या कंपनीचा बाजारातील हिस्सा अंदाजे ७९% इतका होता (स्रोत - क्रिसिल अहवाल). हे क्रूझ जहाज प्रामुख्याने मुंबई, गोवा, कोची, चेन्नई, लक्षद्वीप, विशाखापट्टणम आणि पुद्दुचेरी यांसारख्या देशांतर्गत ठिकाणी प्रवास करते.

​कंपनी हंबनटोटा, त्रिंकोमाली आणि जाफना (श्रीलंका), फुकेत (थायलंड), सिंगापूर, क्वालालंपूर आणि लंगकावी (मलेशिया) या आंतरराष्ट्रीय ठिकाणांचे प्रवास कार्यक्रम (itineraries) देखील ऑफर करते. कंपनीचे प्रवास कार्यक्रम भारताचे किनारपट्टी भाग आणि सांस्कृतिक वारसा यांचे दर्शन घडवण्यासाठी तयार केलेले आहेत, ज्यामुळे प्रवाशांना एक समृद्ध प्रवास अनुभव मिळतो आणि समुद्रातील लक्झरी व सांस्कृतिक क्रूझ सुट्ट्यांसाठी ही कंपनी एक उत्तम पर्याय म्हणून ओळखली जाते.

​याच्या 'एमव्ही एम्प्रेस' या क्रूझ जहाजावर सुट्स, मिनी सुट्स, ओशन-व्ह्यू स्टेटरुम्स आणि इंटिरियर स्टेटरुम्सचे मिश्रण आहे, ज्यामध्ये एकूण ७९६ केबिन्स असून २,००५ प्रवाशांची क्षमता आहे. आगामी 'नॉरवेजियन स्काय' (Norwegian Sky) आणि 'नॉरवेजियन सन' (Norwegian Sun) ही जहाजे कंपनीच्या ताफ्याची क्षमता आणखी वाढवतील अशी अपेक्षा आहे; ज्यामध्ये अनुक्रमे १,००२ केबिन्स (२,००४ प्रवाशांची क्षमता) आणि ९६८ केबिन्स (१,९३६ प्रवाशांची क्षमता) जोडली जाईल. या विस्तारामुळे मोठ्या ग्राहक वर्गाला सेवा देण्याची कंपनीची क्षमता मजबूत होईल आणि भविष्यातील वाढीस गती मिळेल अशी अपेक्षा आहे.

​या क्रूझचा अनुभव भारतीय पाहुण्यांच्या आणि भारताला भेट देणाऱ्या आंतरराष्ट्रीय प्रवाशांच्या पसंतीस उतरेल अशा प्रकारे डिझाइन केला आहे, ज्यामध्ये भारताची समृद्ध संस्कृती, खाद्यपदार्थ आणि आदरातिथ्याची झलक पाहायला मिळते. कंपनी आपल्या क्रूझवर मीटिंग्ज, इन्सेंटीव्ह्ज, कॉन्फरन्सेस आणि एक्झिबिशन्स (MICE) इव्हेंट्स आणि लग्नसमारंभांसाठी विशेष व्यवस्था देखील प्रदान करते, ज्यामध्ये वेन्यू (जागा) व्यवस्था, केटरिंग, मनोरंजन आणि राहण्याची सोय यासारख्या सर्वसमावेशक सेवांचा समावेश आहे.

​आर्थिक वर्ष २४ मधील ४४४ कोटी रुपयांच्या तुलनेत, आर्थिक वर्ष २६ दरम्यान कंपनीचे ऑपरेशन्समधून मिळणारे उत्पन्न ५८० कोटी रुपये होते.

​आर्थिक वर्ष २४ मधील १२३ कोटी रुपयांच्या तोट्याच्या तुलनेत, आर्थिक वर्ष २६ दरम्यान कंपनीचा निव्वळ नफा ५२ कोटी रुपये होता.

---------------

हिंदुस्थान समाचार / सुधांशू जोशी