मुंबई, 05 जून, (हिं.स.)। वनप्लसने आपल्या ग्राहकांसाठी कम्युनिटी सेल २०२६ सुरू केली असून या मर्यादित कालावधीच्या विक्री मोहिमेत कंपनीच्या अनेक लोकप्रिय उत्पादनांवर आकर्षक सवलती, बँक ऑफर्स आणि विनाव्याज ईएमआयची सुविधा उपलब्ध करून दिली आहे. या सेलमध्ये कंपनीच्या फ्लॅगशिप स्मार्टफोन मालिकांपासून ते नॉर्ड श्रेणीतील स्मार्टफोन, टॅबलेट आणि ऑडिओ उत्पादनांपर्यंत विविध उत्पादनांवर विशेष ऑफर्स दिल्या जात आहेत. ही विक्री मोहीम वनप्लस इंडिया, अॅमेझॉन, फ्लिपकार्ट तसेच ऑफलाइन किरकोळ विक्री केंद्रांवर सुरू झाली आहे.

सेलदरम्यान वनप्लस १५ या प्रीमियम फ्लॅगशिप स्मार्टफोनवर ३ हजार रुपयांची थेट सवलत देण्यात येत आहे. त्यामुळे या स्मार्टफोनची किंमत ७७,९९९ रुपयांवरून कमी होऊन ७४,९९९ रुपये झाली आहे. उच्च दर्जाची वैशिष्ट्ये आणि शक्तिशाली कार्यक्षमतेमुळे हा स्मार्टफोन ग्राहकांच्या विशेष पसंतीस उतरला आहे. त्याचप्रमाणे वनप्लस १५आर या स्मार्टफोनवरही बँक ऑफर्सचा लाभ मिळत असून तो ५१,९९९ रुपयांच्या प्रारंभिक किमतीत खरेदी करता येणार आहे.

वनप्लस १३ मालिकेतील स्मार्टफोनवरही विशेष ऑफर्स जाहीर करण्यात आल्या आहेत. वनप्लस १३ हा स्मार्टफोन सेलदरम्यान ५२,९९९ रुपयांच्या प्रारंभिक किमतीत उपलब्ध आहे. तर वनप्लस १३एस हा स्मार्टफोन ४९,९९९ रुपयांत खरेदी करता येत आहे. त्यामुळे फ्लॅगशिप वैशिष्ट्यांसह स्मार्टफोन खरेदी करू इच्छिणाऱ्या ग्राहकांसाठी ही एक मोठी संधी मानली जात आहे.

नॉर्ड मालिकेतील स्मार्टफोनवरदेखील आकर्षक किंमत कपात करण्यात आली आहे. कंपनीचा नवीन वनप्लस नॉर्ड ६ स्मार्टफोन ४०,९९९ रुपयांच्या प्रारंभिक किमतीत उपलब्ध करण्यात आला आहे. तसेच वनप्लस नॉर्ड सीई ६ हा स्मार्टफोन २९,९९९ रुपयांत मिळत असून नॉर्ड सीई ६ लाइट हा स्मार्टफोन २१,४९९ रुपयांच्या किमतीत खरेदी करता येणार आहे.

सवलतींसोबतच निवडक बँकांच्या कार्डधारकांना अतिरिक्त लाभ मिळणार असून विनाव्याज ईएमआयच्या पर्यायामुळे ग्राहकांना प्रीमियम उपकरणे अधिक सुलभपणे खरेदी करता येणार आहेत. त्यामुळे वनप्लसच्या या कम्युनिटी सेलला ग्राहकांकडून मोठा प्रतिसाद मिळण्याची अपेक्षा व्यक्त केली जात आहे.

---------------

हिंदुस्थान समाचार / Suraj Chaugule