रत्नागिरी, 14 जुलै (हिं.स.) । रत्नागिरीत बुधवारी, दि. १५ जुलै रोजी कबड्डी दिनानिमित्ताने राज्यस्तरीय पुरस्कारांचे वितरण करण्यात येणार आहे. पालकमंत्री उदय सामंत आणि सांस्कृतिक मंत्री आशीष शेलार यांच्या उपस्थितीत हा कार्यक्रम होणार आहे.
स्वर्गीय बुवा साळवी यांचा जन्मदिन आणि २६वा कबड्डी दिन यानिमित्त महाराष्ट्र राज्य कबड्डी असोसिएशनच्या मान्यतेने रत्नागिरी जिल्हा कबड्डी असोसिएशन आयोजित विशेष कार्यक्रमाचे आयोजन १५ जुलै दुपारी ३ वाजता रत्नागिरीतील देसाई बँक्वेट हॉल येथे करण्यात आले आहे. या वेळी जिल्हा कबड्डी असोसिएशनचे अध्यक्ष पालकमंत्री उदय सामंत आणि सांस्कृतिक कार्य व माहिती तंत्रज्ञान मंत्री आशीष शेलार यांच्या उपस्थितीत विविध पुरस्कारांचे वितरण होणार आहे. त्यात रत्नागिरीतील कृतज्ञता पुरस्कार सदानंद जोशी, उदयोन्मुख पुरस्कार सुरज राठोड, उत्कष्ट पंच म्हणून विलास सावंत यांचा सन्मान केला जाणार आहे.
कार्यक्रमाला महाराष्ट्र राज्य कबड्डी असोसिएशनचे अध्यक्ष तथा कार्याध्यक्ष गजानन कीर्तीकर यांच्यासह आमदार आणि अन्य लोकप्रतिनिधी उपस्थित राहणार आहेत. कार्यक्रमात क्रीडा पत्रकार मंगेश वरवडेकर, दै. 'सकाळ'चे अल्ताफ कडकाले यांना 'ज्येष्ठ पत्रकार पुरस्कार' प्रदान केला जाणार आहे. कबड्डीच्या विकासासाठी आपले आयुष्य वाहून घेतलेले सांगलीचे दिनकर पाटील आणि पुण्याच्या शकुंतला खटावकर यांना यंदाचा प्रतिष्ठेचा 'कबड्डी महर्षी शंकरराव (बुवा) साळवी कबड्डी जीवन गौरव पुरस्कार' देण्यात येणार आहे.
ज्येष्ठ कार्यकर्ते पुरस्कार आत्माराम घेगडे, बंडू कांबळे, भरत मुळे, गिरीश नाईक, डॉ. दत्तात्रय शिंफी, वत्केश राऊत, खंडबाराव नाईक, प्रकाश पाटील, सय्यद अजगर अली पटेल आणि विलास सावंत यांना देण्यात येईल.
श्रमयोगी कार्यकर्ता पुरस्कार दीपक कांढत्यांवकर (मुंबई उपनगर), डॉ. शिविरंकर कापसे (हिंगोली), अरुणा गावडे (कोल्हापूर), कृतज्ञता पुरस्कार निवृत्ती देसाई, सोपान काकडे, सदानंद जोशी आणि अभिजित राणे, श्रेष्ठ पुरस्कार नारायण गायकवाड (ठाणे) आणि सुहास कदम (मुंबई उपनगर), सर्वोत्कृष्ट चढाईपटू पुरस्कार सौरभ राऊत (अहिल्यानगर), यामिका पुजारी (मुंबई उपनगर), उत्कृष्ट कबड्डीपटू पुरस्कार शिवम पठारे (अहिल्यानगर), निकिता पडवळ (पुणे), आंतरराष्ट्रीय प्रतिनिधित्वाचा गौरव प्रसाद दिलीप (कुमार गट, पुणे), सेरेना म्हस्कर (कुमारी गट, मुंबई उपनगर), ज्येष्ठ पंच पुरस्कार प्रथश मोरे, रवींद्र साड, अरुण पवार, अनिल शेजवळ, सूर्यकांत मुटके, वाल्मिक बागुल, मधुकर साळुंखे, हिरामण भोईर, बाळकृष्ण कडूस आणि रामदास गोळे, ज्येष्ठ खेळाडू पुरस्कार सुरेश मोरे, शशिकांत कोरगावकर, रवींद्र लवेकर, तुळसीदास रोकडे, ब्रह्मनाथ मेंगडे, सुदाम जोगदंड, अलका कारखानीस आणि मदन गायकवाड यांना देण्यात येणार आहे. तसेच उदयोन्मुख कबड्डीपटू शिष्यवृत्ती पुरस्कार किशोर गटात सुरज राठोड (रत्नागिरी), प्रशांत अकीगे (कोल्हापूर), ध्रुव डोंगरे (पालघर), किशोरी गटात आरती खांडेकर (पुणे), सेजल काकाडे (नाशिक), ज्ञानेश्वरी ढवण (अहिल्यानगर), कुमार गटात शुभम बिटके (पुणे), जीतसिंग सैनी (ठाणे), अतुल जाधव (परभणी), कुमारी गटात संजना भोईर (पालघर), वैभवी जाधव (पुणे), सानिका पाटील (सांगली) यांना दिला जाणार आहे. विशेष शिष्यवृत्तीसाठी दिपराज कांबळे (परभणी), मैत्री इंगळे (सातारा) यांची निवड झाली आहे.
---------------
हिंदुस्थान समाचार / रत्नागिरी
