नवी दिल्ली, 14 जुलै (हिं.स.)फुटबॉल जगतातून एक दुःखद बातमी समोर आली आहे. २०२६ फिफा विश्वचषक पंच संघातून काढून टाकण्यात आलेले डच पंच एका अल्पवयीन मुलावर लैंगिक अत्याचार केल्याच्या आरोपांमुळे स्पर्धेच्या एक महिना आधी त्यांना संघातून काढून टाकण्यात आले होते. पुराव्याअभावी हे प्रकरण नंतर बंद करण्यात आले असले तरी, आता या पंचाचे निधन झाल्याचे उघड झाले आहे.

डायपेरिंक यांचे वयाच्या ३८ व्या वर्षी निधन झाले, मात्र त्यांच्या मृत्यूचे कारण अद्याप सार्वजनिक करण्यात आलेले नाही. डच फुटबॉल असोसिएशनने याला दुजोरा दिला आणि देशातील सर्वात आदरणीय अधिकाऱ्यांपैकी एक असलेल्या डायपेरिंक यांना श्रद्धांजली वाहिली.

केएनव्हीबीने म्हटले आहे, रॉब डायपेरिंक यांच्या निधनाने आम्हाला धक्का बसला असून आम्ही अत्यंत दुःखी आहोत. रॉब यांच्या निधनाने आम्ही एक अत्यंत मौल्यवान रेफरी गमावला आहे, पण त्याहूनही महत्त्वाचे म्हणजे, एक दयाळू आणि समर्पित सहकारी गमावला आहे. या खेळाची जागतिक नियामक संस्था असलेल्या फिफानेही या डच रेफरीच्या निधनाबद्दल शोक व्यक्त केला आहे.

संपूर्ण फुटबॉल समुदायाच्या वतीने, आम्ही त्यांच्या कुटुंबीयांना, मित्रांना आणि डच फुटबॉल असोसिएशनला आमच्या तीव्र शोकसंवेदना व्यक्त करतो. त्यांच्या आत्म्यास शांती लाभो, असे फिफाने म्हटले आहे.

डायपेरिंक २०१७ पासून नेदरलँड्सच्या अव्वल दर्जाच्या लीग, एरेडिव्हिसीमध्ये रेफरी म्हणून काम करत होते आणि २०२४ च्या युरोपियन चॅम्पियनशिप दरम्यान ते व्हीएआर अधिकाऱ्यांपैकी एक होते. २०२६ च्या फिफा विश्वचषक स्पर्धेच्या यादीत व्हिडिओ असिस्टंट रेफरी म्हणून त्यांचा समावेश करण्यात आला होता, पण नंतर त्यांना वगळण्यात आले.

---------------

हिंदुस्थान समाचार / वृषाली देशपांडे