वॉशिंग्टन, 10 ऑगस्ट (हिं.स.)विम्बल्डन आणि पाच वेळा ग्रँड स्लॅम विजेतेपद पटकावणाऱ्या जानिक सिनरने उजव्या गुडघ्याच्या दुखापतीमुळे सिनसिनाटी ओपनमधून माघार घेतली आहे. स्पर्धेच्या अधिकृत 'एक्स' हँडलवरून ही घोषणा करण्यात आली. यामुळे दोन अत्यंत युवा सुपरस्टार्स सिनर आणि त्याचा कट्टर प्रतिस्पर्धी कार्लोस अल्करज या स्पर्धेला मुकणार आहेत. उजव्या गुडघ्याच्या दुखापतीमुळे जानिक सिनर सिनसिनाटी ओपनमधून बाहेर पडला आहे. आमच्या २०२४ च्या विजेत्याला पुढील वाटचालीस शुभेच्छा आणि पुढच्या वर्षी पुन्हा भेटण्याची आम्ही आतुरतेने वाट पाहत आहोत! अशी पोस्ट स्पर्धेच्या अधिकृत हँडलवरून करण्यात आली.

सिनरने अंतिम फेरीत फ्रान्सिस टियाफोचा ७-६ (७-४), ६-२ असा पराभव करून २०२४ चे विजेतेपद पटकावले होते. सिनसिनाटी ओपनमधून माघार घेतल्यामुळे स्पॅनिश स्टार कार्लोस अल्कारजचे स्पर्धात्मक टेनिसमधील पुनरागमन लांबणीवर पडले आहे. सिनसिनाटी ओपन १३ ते २३ ऑगस्ट दरम्यान होणार आहे, तर या हंगामातील शेवटची ग्रँडस्लॅम स्पर्धा असलेली 'यूएस ओपन' ३० ऑगस्ट ते १३ सप्टेंबर दरम्यान खेळवली जाणार आहे.

स्पर्धेच्या आयोजकांनी याला दुजोरा दिला की, सात वेळा ग्रँडस्लॅम एकेरीचे विजेतेपद पटकावलेला हा टेनिसपटू 'एटीपी मास्टर्स १०००' स्पर्धेत सहभागी होऊ शकणार नाही. म्हणजेच तो गेल्या वर्षी जिंकलेले विजेतेपद राखू शकणार नाही.

स्पर्धेच्या मेन ड्रॉला पुढील आठवड्यात सुरुवात होणार आहे. एप्रिलमध्ये 'बार्सिलोना ओपन' दरम्यान मनगटाची दुखापत झाल्यापासून अल्कारज स्पर्धेपासून दूर आहे, ज्यामुळे त्याला फ्रेंच ओपन आणि विम्बल्डन या दोन्ही स्पर्धांना मुकावे लागले होते.

अल्कारज 'यूएस ओपन'मध्ये पुनरागमन करण्याचे लक्ष्य ठेवून आहे. ही या हंगामातील शेवटची ग्रँडस्लॅम स्पर्धा असून तिथे तो गतविजेता म्हणून उतरणार आहे. गेल्या काही आठवड्यांत या स्पॅनिश टेनिसपटूने आपल्या रिकव्हरीत हळूहळू सुधारणा केली आहे. त्याने 'स्ट्रेंथ अँड कंडिशनिंग'च्या सरावापासून सुरुवात करून आता सिनसिनाटीमध्ये पूर्ण क्षमतेने सराव करण्यास सुरुवात केली आहे.

---------------

हिंदुस्थान समाचार / वृषाली देशपांडे