वॉशिंंग्टन, १० ऑगस्ट (हिं.स.)२०२६ च्या जागतिक २० वर्षांखालील ॲथलेटिक्स चॅम्पियनशिपमध्ये भारताने तीन पदकांसह पदक तालिकेत २७ वे स्थान पटकावले. अंतिम दिवशी भारताला एकही पदक जिंकता आले नाही, त्यामुळे भारताला दोन रौप्य आणि एक कांस्य पदकावर समाधान मानावे लागले.
आशिष यादवने भालाफेकीत भारतासाठी रौप्य पदक जिंकले. त्यानंतर बसंत कुमार मेघवालने पुरुषांच्या उंच उडीत रौप्य पदक जिंकले, तर शहनवाज खानने पुरुषांच्या लांब उडीत कांस्य पदक जिंकून भारताला तिसरे पदक मिळवून दिले.
बसंत कुमार मेघवालचे रौप्य पदक हे जागतिक २० वर्षांखालील चॅम्पियनशिपमध्ये पुरुषांच्या उंच उडीतील भारताचे पहिले पदक होते. शहनवाज हा पुरुषांच्या लांब उडीत पदक जिंकणारा पहिला भारतीय पुरुष खेळाडू ठरला.
अमेरिकेने एकूण १८ पदके जिंकून पदक तालिकेत अव्वल स्थान पटकावले, ज्यात १२ सुवर्ण, सात रौप्य आणि पाच कांस्य पदकांचा समावेश आहे. केनिया ११ पदकांसह दुसऱ्या स्थानी, तर इटली पाच पदकांसह तिसऱ्या स्थानी राहिली.
जागतिक ऍथलेटिक्स अंडर-२० चॅम्पियनशिप २०२६ ची पदकतालिकेतील क्रमवारी
अमेरिकेने १२ सुवर्ण, ७ रौप्य आणि ५ कांस्य पदकांसह एकूण १८ पदके जिंकून पदकतालिकेत अव्वल स्थानी
केनिया ४ सुवर्ण, ३ रौप्य आणि ४ कांस्य पदकांसह ११ पदकांसह दुसऱ्या स्थानी राहिली.
इटली ३ सुवर्ण आणि २ कांस्य पदकांसह पाच पदकांसह तिसऱ्या स्थानी राहिली.
जमैका २ सुवर्ण, ३ रौप्य आणि ३ कांस्य पदकांसह आठ पदकांसह चौथ्या क्रमांकावर
ऑस्ट्रेलिया आणि इथिओपियाने प्रत्येकी सहा पदके जिंकून पाचव्या स्थानी बरोबरी
फ्रान्स सहा पदकांसह सातव्या, चीन पाच पदकांसह आठव्या आणि झेकिया चार पदकांसह नवव्या स्थानी
भारत दोन रौप्य आणि एक कांस्य पदकासह एकूण तीन पदकांसह २७ व्या स्थानी
---------------
हिंदुस्थान समाचार / वृषाली देशपांडे
