जखमी बादल यांची रुग्णालयात भेट घेत प्रकृतीची केली विचारपूस

नांदेड, 14 ऑगस्ट (हिं.स.) : नांदेड येथील गुरुद्वारा परिसरात पंजाबचे माजी उपमुख्यमंत्री सुखबीर सिंह बादल यांच्यावर झालेला हल्ला अत्यंत निंदनीय आणि धक्कादायक असल्याची प्रतिक्रिया भारतीय जनता पक्षाचे आमदार अमर राजूरकर यांनी दिली.

नांदेड येथील गुरुद्वाराजवळ गुरुवारी दुपारी एका व्यक्तीने सुखबीर सिंह बादल यांच्यावर हल्ला केला. या घटनेत बादल जखमी झाले. घटनेनंतर आमदार अमर राजूरकर यांनी रुग्णालयात जाऊन त्यांच्या प्रकृतीची प्रत्यक्ष पाहणी केली.

यावेळी त्यांनी केंद्रीय मंत्री खासदार हरसिमरत कौर बादल यांच्याशी चर्चा करून सुखबीर सिंह बादल यांच्या प्रकृतीची आस्थेने विचारपूस केली. तसेच मुख्यमंत्री खासदार अशोकराव चव्हाण यांच्याशीही दूरध्वनीवरून संपर्क साधून त्यांच्याशी बोलणे करून दिले.

दरम्यान, हल्ल्याच्या घटनेत जखमी झालेले नांदेडचे पोलीस निरीक्षक केंद्रे यांचीही आमदार राजूरकर यांनी भेट घेतली. त्यांच्या प्रकृतीची विचारपूस करून त्यांना लवकर बरे होण्यासाठी शुभेच्छा दिल्या.

---------------------

हिंदुस्थान समाचार / Sangita Hanumant Rao Chitanis