नाशिक, 16 ऑगस्ट (हिं.स.)। हृदयरोग उपचार क्षेत्रात महत्त्वाची कामगिरी करत अशोका मेडिकव्हर हॉस्पिटल, नाशिक येथे हृदयरोगतज्ज्ञ डॉ. सीमा नक्साने यांनी ८० वर्षीय रुग्णावर अत्याधुनिक द्विकक्षीय लीडविरहित पेसमेकर (एव्हीईआयआर डीआर) यशस्वीपणे प्रत्यारोपित केला. उत्तर महाराष्ट्रातील हे अशा प्रकारचे पहिले प्रत्यारोपण असून, यासाठी वापरण्यात आलेल्या दुसऱ्या पिढीतील एव्हीईआयआर एआर२ अलिंद लीडविरहित पेसमेकरचे महाराष्ट्रातील हे पहिले प्रत्यारोपण ठरले आहे.

हृदयरोगतज्ज्ञ डॉ. सीमा नक्साने यांनी सांगितले की, हृदयाची गती मंदावल्याने वारंवार बेशुद्ध पडणाऱ्या रुग्णाची तपासणी केल्यानंतर हा निर्णय घेण्यात आला. पारंपरिक पेसमेकरच्या तुलनेत या उपकरणात तारांची आवश्यकता नसते. ते थेट हृदयात बसविले जाते आणि हृदयाच्या वरच्या व खालच्या कप्प्यांमध्ये समन्वय साधून हृदयाची गती नियंत्रित करण्यास मदत करते. या तंत्रज्ञानामुळे उत्तर महाराष्ट्रातील रुग्णांना प्रगत हृदयगती व्यवस्थापनाची सुविधा नाशिकमध्येच उपलब्ध झाली आहे. अत्याधुनिक उपचारांसाठी रुग्णांना मोठ्या महानगरांकडे जाण्याची गरज कमी व्हावी, हा आमचा प्रयत्न आहे.” या प्रक्रियेबद्दल डॉ. नक्साने यांनी अशोका मेडिकव्हर हॉस्पिटलच्या वैद्यकीय व सहाय्यक पथकाचे आभार मानले. पत्रकार परिषदेला हृदयरोग विभागातील डॉ. सुधीर शेतकर, डॉ. निर्मल कोलते, डॉ. महेश आहिरे, डॉ. कांचन भांबारे, डॉ. हेमंतराज आहिरे, अतिदक्षता विभाग तज्ज्ञ डॉ. भाविक शाह, भूलतज्ज्ञ डॉ. संदीप भंगाळे, आपत्कालीन विभागाचे प्रमुख डॉ. अखिलेश सोमाणी तसेच संपूर्ण हृदयवाहिनी प्रयोगशाळा पथक उपस्थित होते. या प्रत्यारोपणामुळे उत्तर महाराष्ट्रातील रुग्णांना अत्याधुनिक हृदयगती व्यवस्थापन उपचारांची सुविधा नाशिकमध्ये उपलब्ध झाली आहे.

महाराष्ट्र जनआरोग्य, आयुष्मान भारतअंतर्गत मोफत उपचार

अशोका मेडिकव्हर हॉस्पिटलमध्ये पात्र रुग्णांसाठी महाराष्ट्र जनआरोग्य योजना आणि आयुष्मान भारत योजनेअंतर्गत हृदयरोगांवरील विविध उपचार मोफत उपलब्ध असल्याची माहिती देण्यात आली. पात्र लाभार्थ्यांनी या सुविधेचा लाभ घ्यावा, असे आवाहन करण्यात आले. स्वातंत्र्यदिनानिमित्त हॉस्पिटलतर्फे ‘१९४७ स्वातंत्र्य आरोग्य पॅकेज’ हे विशेष आरोग्य तपासणी पॅकेज ₹१,९४७ मध्ये उपलब्ध करून देण्यात आले आहे. यात विविध रक्त तपासण्या, हृदयविद्युत आलेख, द्विमितीय हृदय प्रतिमा तपासणी आणि हृदयरोगतज्ज्ञांचा सल्ला यांचा समावेश आहे.

‘१९४७ स्वातंत्र्य आरोग्य पॅकेज’चा लाभ घ्यावा - अनुप त्रिपाठी, केंद्रप्रमुख अशोका मेडिकव्हर हॉस्पिटल

“उत्तर महाराष्ट्रातील रुग्णांना अत्याधुनिक आणि जागतिक दर्जाचे हृदयरोग उपचार नाशिकमध्येच उपलब्ध करून देणे हे आमचे ध्येय आहे. महाराष्ट्र जनआरोग्य योजना व आयुष्मान भारत योजनेअंतर्गत पात्र रुग्णांना मोफत उपचार तसेच ‘१९४७ स्वातंत्र्य आरोग्य पॅकेज’च्या माध्यमातून प्रतिबंधात्मक हृदय तपासणीची सुविधा देण्याचा आमचा प्रयत्न आहे. नागरिकांनी या सुविधांचा लाभ घ्यावा आणि हृदयाच्या आरोग्याकडे वेळेवर लक्ष द्यावे.”

---------------

हिंदुस्थान समाचार / MANAS CHANDRASHEKHAR GOSAVI