लातूर, 16 ऑगस्ट, (हिं.स.)। शिरूर अनंतपाळ येथील जनता दरबाराच्या यशानंतर खासदार डॉ. शिवाजी काळगे यांचा जनता दरबार उद्या, १७ ऑगस्ट रोजी दुपारी १ वाजता देवणी तहसील कार्यालयात आयोजित करण्यात आला आहे. आ. अमित देशमुख यांच्या सूचनेनुसार व लातूर जिल्हा काँग्रेस कमिटीचे अध्यक्ष अभय साळुंके यांच्या पुढाकारातून ही मोहीम राबविण्यात येत आहे. नागरिक, शेतकरी व महिलांच्या प्रशासकीय समस्या थेट ऐकून घेऊन संबंधित अधिकाऱ्यांसमोर त्यावर मार्ग काढण्याचा प्रयत्न केला जाणार आहे. परिसरातील नागरिकांनी मोठ्या संख्येने उपस्थित राहावे, असे आवाहन करण्यात आले आहे.

---------------

हिंदुस्थान समाचार / Mahesh Madanrao Chitnis