जालना, 17 ऑगस्ट (हिं.स.)।

जालना शहरामध्ये दगडुशेठ गणपती बाप्पा उत्सव मंडळाच्या वतीने श्री गणेशाच्या आगमन सोहळ्याचे आयोजन करण्यात आले .

या सोहळ्याला शिवसेना उपनेते तथा आमदार अर्जुनराव खोतकर यांनी उपस्थित राहून गणरायाचे मनोभावे स्वागत केले.

यावेळी गणेश भक्तांमध्ये मोठा उत्साह पाहायला मिळाला. आमदार अर्जुनराव खोतकर यांनी मंडळाच्या पदाधिकारी व सदस्यांशी संवाद साधून उत्सवाच्या शुभेच्छा दिल्या.

या प्रसंगी शिवसेना संपर्कप्रमुख पंडितदादा भुतेकर, शिवसेना शहरप्रमुख विष्णू पाचफुले, उद्योजक कैलास लोहिया, आशिष ओझा तसेच दगडुशेठ गणपती बाप्पा उत्सव मंडळाचे पदाधिकारी व सदस्य उपस्थित होते.

---------------

हिंदुस्थान समाचार / Hanumant Madanrao Chitnis