नवी दिल्ली, 19 ऑगस्ट (हिं.स.)। केंद्रीय आरोग्य आणि कुटुंब कल्याण मंत्री जेपी नड्डा यांना यशस्वी अँजिओप्लास्टीनंतर दिल्लीतील अखिल भारतीय आयुर्विज्ञान संस्था (एम्स)ने बुधवारी डिस्चार्ज दिला. डॉक्टरांनी त्यांची प्रकृती पूर्णपणे स्थिर असल्याचे सांगत त्यांना रुग्णालयातून घरी जाण्याची परवानगी दिली.

नड्डा यांना 13 ऑगस्ट रोजी छातीत अस्वस्थता जाणवल्याच्या तक्रारीनंतर एम्समध्ये दाखल करण्यात आले होते. तपासणीदरम्यान त्यांची कोरोनरी अँजिओग्राफी करण्यात आली, त्यानंतर 17 ऑगस्ट रोजी त्यांची यशस्वी अँजिओप्लास्टी करण्यात आली. रुग्णालयात वैद्यकीय देखरेखीखाली राहिल्यानंतर त्यांची प्रकृती सातत्याने सुधारत असल्याने डॉक्टरांनी त्यांना डिस्चार्ज दिला.

---------------

हिंदुस्थान समाचार / Suraj Chaugule