मुंबई, 28 ऑगस्ट, (हिं.स.)। ऑयस्टर रिन्युएबल एनर्जी प्रायव्हेट लिमिटेड या व्यावसायिक आणि औद्योगिक (सीअँडआय) ग्राहकांसाठी कस्टमाइझ्ड हायब्रिड नवीकरणीय ऊर्जा (रिन्यूएबल एनर्जी) उपाय प्रदान करणाऱ्या कंपनीने आज संदीप अरोरा यांची चीफ फायनान्शियल ऑफिसर (सीएफओ) पदी नियुक्ती केल्याची घोषणा केली. आपल्या या नवीन भूमिकेत, संदीप कंपनीचे आर्थिक धोरण, भांडवल व्यवस्थापन आणि दीर्घकालीन आर्थिक नियोजन अधिक मजबूत करण्याची जबाबदारी सांभाळतील, तसेच ऑयस्टर रिन्यूएबलच्या विकासाच्या पुढील टप्प्याला पाठबळ देतील.

बँकिंग, पायाभूत सुविधा आणि नवीकरणीय ऊर्जा क्षेत्रातील २० वर्षांहून अधिक कालावधीच्या अनुभवासह, संदीप यांच्याकडे भांडवल उभारणी, प्रकल्प वित्तपुरवठा, आर्थिक नियोजन, गुंतवणूक धोरण आणि जोखीम व्यवस्थापनाचे व्यापक कौशल्य आहे. मोठ्या प्रमाणावरील नवीकरणीय ऊर्जा प्रकल्पांना वित्तपुरवठा करण्याचा आणि जटिल भांडवली गरजांचे व्यवस्थापन करण्याचा त्यांचा अनुभव ऑयस्टर रिन्यूएबलच्या पोर्टफोलिओचा विस्तार करण्याच्या आणि वाढीच्या नवीन संधी शोधण्याच्या क्षमतेला अधिक दृढ करेल.

या नियुक्तीबाबत मत व्यक्त करत ऑयस्टर रिन्यूएबलचे चीफ फायनान्शियल ऑफिसर संदीप अरोरा म्हणाले, “ऑयस्टर रिन्यूएबल महत्त्वपूर्ण टप्प्यावर असून भारताच्या विश्वासार्ह आणि विस्तारक्षम स्वच्छ ऊर्जेच्या दिशेने होणाऱ्या बदलामध्ये मोठी भूमिका बजावण्याची संधी कंपनीकडे आहे. कंपनी आपल्या नवीकरणीय ऊर्जा पोर्टफोलिओचा विस्तार करत असताना आणि सीअँडआय विभागातील आपली उपस्थिती वाढवत असताना शिस्तबद्ध वाढीला पाठबळ देऊ शकेल, भांडवलाचा इष्टतम वापर सुनिश्चित करू शकेल आणि दीर्घकालीन मूल्य निर्माण करू शकेल असा प्रबळ आर्थिक आराखडा तयार करण्यावर भर असेल. या क्षमतांना अधिक दृढ करण्यासाठी आणि ऑयस्टरच्या वाढीच्या आकांक्षांना शाश्वत निकालांमध्ये रूपांतरित करण्यासाठी नेतृत्व टीमसोबत काम करण्यास मी उत्सुक आहे.”

ऑयस्टर रिन्यूएबलचे मॅनेजिंग डायरेक्टर आणि सीईओ सिद्धार्थ भाटिया म्हणाले, “ऑयस्टर रिन्यूएबलच्या नेतृत्व टीममध्ये संदीप यांचे स्वागत करताना आम्हाला अत्यंत आनंद होत आहे. वित्त, पायाभूत सुविधा आणि नवीकरणीय ऊर्जा क्षेत्राची त्यांची सखोल समज आमच्या वाढीच्या योजनांना पाठबळ देण्यासाठी आणि आमचे आर्थिक धोरण दृढ करण्यासाठी महत्त्वपूर्ण ठरेल. आम्ही आमच्या नवीकरणीय ऊर्जा पोर्टफोलिओचा विस्तार करत असताना आणि सीअँडआय ग्राहकांसाठी आमच्या सेवा वाढवत असताना संदीप यांचे कौशल्य आमच्या वाढीच्या पुढील टप्प्यात महत्त्वपूर्ण मूल्य जोडेल.”

ही नियुक्ती ऑयस्टर रिन्यूएबलसाठी अशा एका महत्त्वाच्या टप्प्यावर झाली आहे, जेव्हा कंपनी आपल्या नवीकरणीय ऊर्जा पोर्टफोलिओचा विस्तार करत आहे आणि सीअँडआय ग्राहकांसाठी एक विश्वासू क्लीन एनर्जी पार्टनर म्हणून आपले स्थान अधिक दृढ करत आहे. भारताच्या वेगाने बदलणाऱ्या नवीकरणीय ऊर्जा क्षेत्रात कंपनी आपल्या दीर्घकालीन वाढीच्या आकांक्षांच्या दिशेने काम करत असताना संदीप यांच्या नियुक्तीमुळे कंपनीच्या आर्थिक क्षमतांना अधिक बळ मिळेल, अशी अपेक्षा आहे.

---------------

हिंदुस्थान समाचार / हर्षदा गावकर