नवी दिल्ली, 31 ऑगस्ट (हिं.स.)। देशातील दिग्गज कार निर्माता कंपनी जेएसडब्ल्यू एमजी मोटर इंडियाने पार्थ जिंदल यांची नवीन चेअरमन म्हणून नियुक्ती केली आहे. जिंदल यांची नियुक्ती तत्काळ प्रभावाने लागू झाली आहे. यापूर्वी पार्थ कंपनीचे डायरेक्टर होते.
जेएसडब्ल्यू एमजी मोटर इंडियाचे चेअरमन असण्यासोबतच पार्थ जिंदल हे जेएसडब्ल्यू सिमेंट आणि जेएसडब्ल्यू पेंट्सचे मॅनेजिंग डायरेक्टर, जेएसडब्ल्यू ड्युलक्स लिमिटेडचे चेअरमन आणि जेएसडब्ल्यू एनर्जीच्या बोर्डमध्ये डायरेक्टर देखील आहेत. ते जेएसडब्ल्यू स्पोर्ट्सचे संस्थापक तसेच इंडियन प्रीमियर लीग (आयपीएल) टीम दिल्ली कॅपिटल्सचे चेअरमन आणि सह-मालक देखील आहेत.
पार्थ जिंदल हे जॉइंट व्हेंचरच्या स्थापनेपासूनच जेएसडब्ल्यू एमजी मोटर इंडियाच्या डायरेक्टर बोर्डमध्ये आहेत. कंपनीच्या प्रॉडक्ट स्ट्रॅटेजी, मॅन्युफॅक्चरिंग एक्स्पान्शन आणि लोकलायझेशन प्रोग्रामला आकार देण्यात त्यांची महत्त्वाची भूमिका राहिली आहे. त्यांची नियुक्ती अशा वेळी झाली आहे, जेव्हा जेएसडब्ल्यू ग्रुप जर्मनीच्या प्रमुख ऑटोमोबाईल निर्माता कंपनी स्कोडा फोक्सवॅगनसोबत संभाव्य पार्टनरशिपबाबत चर्चा करत आहे.
जेएसडब्ल्यू एमजी मोटर इंडिया प्रायव्हेट लिमिटेड, जेएसडब्ल्यू ग्रुप आणि चीनची सरकारी वाहन निर्माता कंपनी एसएआयसी मोटर यांचा जॉइंट व्हेंचर आहे. यामध्ये जेएसडब्ल्यूची 35 टक्के आणि एसएआयसी मोटरची 49 टक्के हिस्सेदारी आहे. तर उर्वरित 16 टक्के हिस्सेदारी भारतीय फायनान्शियल इन्स्टिट्यूशन्स, डीलर्स आणि एम्प्लॉईजकडे आहे.
---------------
हिंदुस्थान समाचार / Suraj Chaugule
