नवी दिल्ली, 01 सप्टेंबर (हिं.स.)। देशाचे जीएसटी महसूल संकलन ऑगस्टमध्ये वार्षिक आधारावर 14.8 टक्क्यांनी वाढून सुमारे 2 लाख कोटी रुपये झाले आहे. गेल्या वर्षी ऑगस्टमध्ये एकूण जीएसटी महसूल संकलन 1.74 लाख कोटी रुपये झाले होते.

जीएसटी महासंचालनालयाने मंगळवारी जारी केलेल्या आकडेवारीनुसार, एकूण माल आणि सेवा कर (जीएसटी) महसूल संकलन ऑगस्टमध्ये वार्षिक आधारावर 14.8 टक्क्यांनी वाढून 1,99,853 कोटी रुपये (सुमारे दोन लाख कोटी रुपये) झाले आहे. या कालावधीत निव्वळ जीएसटी महसूल संकलन 1.68 लाख कोटी रुपये राहिले आहे, जे वार्षिक आधारावर 8.3 टक्क्यांची वाढ आहे.

आकडेवारीनुसार, देशांतर्गत व्यवहारांमधून जीएसटी महसूल 9.3 टक्क्यांनी वाढून 1.37 लाख कोटी रुपयांहून अधिक झाला आहे. आयातीतून मिळणारा महसूल 29 टक्क्यांच्या वाढीसह 62,604 कोटी रुपयांवर पोहोचला आहे. त्याचप्रमाणे सकल केंद्रीय जीएसटी संकलन ऑगस्टमध्ये 38,413 कोटी रुपये राहिले, राज्य जीएसटी संकलन 46,316 कोटी रुपये आणि एकात्मिक जीएसटी संकलन 1.15 लाख कोटी रुपयांहून अधिक राहिले आहे. जीएसटी महासंचालनालयाने जारी केलेल्या आकडेवारीनुसार, ऑगस्टमध्ये ‘रिफंड’ (प्रतिदाय) 68 टक्क्यांनी वाढून 31,795 कोटी रुपयांवर पोहोचला आहे.

---------------

हिंदुस्थान समाचार / Suraj Chaugule