नवी दिल्ली, 01 सप्टेंबर (हिं.स.)। देशात युनिफाइड पेमेंट्स इंटरफेस (यूपीआय)च्या माध्यमातून ऑगस्टमध्ये २९.८२ लाख कोटी रुपयांचे व्यवहार झाले. याच वर्षी मे आणि जुलैमध्ये हा विक्रम २९.९ लाख कोटी रुपये राहिला होता. ऑगस्टमध्ये यूपीआयद्वारे व्यवहारांची संख्या विक्रमी २,४५१ कोटींवर पोहोचली, जी जुलै महिन्यातील २,३६६ कोटींपेक्षा लक्षणीय अधिक आहे. यावर्षी जूनमध्ये व्यवहारांची संख्या २,२७२ कोटी आणि मे महिन्यात २,३२० कोटी होती.

नॅशनल पेमेंट्स कॉर्पोरेशन ऑफ इंडियाने (एनपीसीआय)ने मंगळवारी जारी केलेल्या आकडेवारीनुसार, ऑगस्टमध्ये व्यवहारांचे मूल्य २९.८२ लाख कोटी रुपये राहिले, जे एका वर्षापूर्वी याच महिन्यातील २४.८५ लाख कोटी रुपयांपेक्षा २० टक्के अधिक आहे. आकडेवारीनुसार, याच कालावधीत यूपीआय व्यवहारांची संख्या वार्षिक आधारावर २२ टक्क्यांनी वाढून ऑगस्टमध्ये २,४५१ कोटी झाली, तर गेल्या वर्षी याच महिन्यात ती १,९६३ कोटी होती.

रिझर्व्ह बँक ऑफ इंडिया (आरबीआय) आणि इंडियन बैंक्स एसोसिएशन (आयबीए) यांच्या संयुक्त पुढाकाराने स्थापन झालेली एनपीसीआय भारतातील किरकोळ भुगतान आणि निपटारा प्रणालींच्या संचालनासाठी एक सर्वोच्च संस्था आहे. हे दोघे मिळून यूपीआयचे संचालन करतात. यूपीआयचा वापर लोकांमधील किंवा खरेदीदरम्यान व्यापाऱ्यांकडे रिअल टाइममध्ये भुगतान करण्यासाठी केला जातो.

यूपीआय आता ११ देशांमध्ये स्वीकारले जाते आणि उझबेकिस्तान हा त्यात सहभागी होणारा सर्वात नवीन देश आहे. इतर देशांमध्ये सिंगापूर, संयुक्त अरब अमिराती, फ्रान्स, मॉरिशस, नेपाळ, भूतान, कतार, श्रीलंका, कंबोडिया आणि ग्रीस यांचा समावेश आहे, जिथे यूपीआय स्वीकारले जाते. देशात यूपीआयची सुरुवात २५ ऑगस्ट, २०१६ रोजी झाली होती आणि तेव्हापासून त्याने भारताच्या डिजिटल भुगतानाच्या क्षेत्रात मोठा बदल घडवून आणला आहे. त्याचे व्यवहारमूल्य आर्थिक वर्ष २०१६-१७ मधील ०.०७ लाख कोटी रुपयांवरून आर्थिक वर्ष २०२५-२६ मध्ये सुमारे ३१४ लाख कोटी रुपये झाले. एका दशकात त्यात ४ हजार पटींपेक्षा अधिक वाढ नोंदवली गेली आहे.

---------------

हिंदुस्थान समाचार / Suraj Chaugule