बीड, 12 सप्टेंबर (हिं.स.)।

गेवराईतील जतेगाव रोडवरील जुगार अड्ड्यावर परिविक्षाधीन पोलीस उपअधीक्षक भारत पांढरे यांच्या पथकाने १० सप्टेंबर रोजी रात्री छापा टाकला. कारवाईत १४ जणांना ताब्यात घेत रोख रक्कम, १४ मोबाईल आणि ८ मोटारसायकली असा एकूण ६ लाख ७२ हजार ५४० रुपयांचा मुद्देमाल जप्त करण्यात आला. आरोपींविरुद्ध महाराष्ट्र जुगार प्रतिबंधक अधिनियम कलम १२(अ) अन्वये गेवराई पोलीस ठाण्यात गुन्हा दाखल करण्यात आला असून पुढील तपास सुरू आहे.

---------------

हिंदुस्थान समाचार / Aparna Chitnis