छत्रपती संभाजीनगर, 02 सप्टेंबर (हिं.स.)। दर महिन्याच्या पहिल्या सोमवारी जिल्हास्तरीय लोकशाही दिन आयोजित केला जातो. सप्टेंबर महिन्यासाठी लोकशाही दिन हा सोमवार दि.७ रोजी दुपारी १२ वा. जिल्हाधिकारी कार्यालयात आयोजित करण्यात आला आहे, असे उपजिल्हाधिकारी (सामान्य प्रशासन) संगीता राठोड यांनी कळविले आहे.

नागरिकांनी आपले अर्ज, निवेदने दि.७ रोजी सकाळी ११ ते १२ या वेळात दाखल करावे. अर्ज विहित नमुन्यात असावा. तक्रार वैयक्तिक असावी. तालुकास्तरीय लोकशाही दिनात अर्ज दाखल केला असल्यास त्याची पोहोच सोबत आणावी. तसेच न्याय प्रविष्ठ प्रकरण, राजस्व अपिल, सेवाविषयक व आस्थापनाविषयक व लोकशाही दिनात यापूर्वी दाखल केलेले अर्ज स्वीकारले जाणार नाहीत, असेही स्पष्ट करण्यात आले आहे.

हिंदुस्थान समाचार / Hanumant Madanrao Chitnis