वर्धा, 21 सप्टेंबर (हि.स.) : महात्मा गांधी आंतरराष्ट्रीय हिंदी विद्यापीठाच्या विद्यार्थ्यांनी बिहार राज्य विद्यापीठ सेवा आयोग, पटना यांच्यामार्फत घेण्यात आलेल्या परीक्षेत उल्लेखनीय यश संपादन केले आहे. संविदा तत्त्वावर हिंदी भाषेच्या सहायक प्राध्यापक पदासाठी विद्यापीठाच्या आठ विद्यार्थ्यांची निवड झाली आहे. यामध्ये भाषा विद्यापीठातील हिंदी साहित्य विभागाचे सात, तर राज्यशास्त्र विभागातील एका विद्यार्थ्याचा समावेश आहे.

निवड झालेल्या विद्यार्थ्यांमध्ये रवींद्र कुमार रवि यांची जयप्रकाश नारायण विद्यापीठ, सारण येथील राजकीय पदवी महाविद्यालय, दरियापूर येथे निवड झाली आहे. डॉ. गुंजा आनंद यांची पाटलीपुत्र विद्यापीठाच्या राजकीय पदवी महाविद्यालय, मखदुमपूर, कराय परसुराय, नालंदा येथे निवड झाली आहे.डॉ. पंचदेव प्रसाद यांची ललित नारायण मिथिला विद्यापीठ, दरभंगा येथील राजकीय पदवी महाविद्यालय, कुशेश्वर येथे, तर डॉ. नवनीत कुमार यांची मुंगेर विद्यापीठ, मुंगेर येथील राजकीय पदवी महाविद्यालय, खैरा येथे निवड झाली आहे.

डॉ. अविनाश भारती यांची जयप्रकाश नारायण विद्यापीठ, सारण येथील राजकीय पदवी महाविद्यालय, मसरख, छपरा येथे, तर डॉ. अमित कुमार यांची बाबासाहेब भीमराव आंबेडकर बिहार विद्यापीठ, मुजफ्फरपूर येथील राजकीय पदवी महाविद्यालय, मेजरगंज, सीतामढी येथे निवड झाली आहे.

तसेच डॉ. प्रज्ञा शाकल्य यांची पाटलीपुत्र विद्यापीठाच्या राजकीय पदवी महाविद्यालय, अथमलगोला येथे निवड झाली आहे. राज्यशास्त्र विभागाचे विद्यार्थी डॉ. दत्तात्रय निवृत्ती रावण यांची बाबासाहेब भीमराव आंबेडकर बिहार विद्यापीठ, मुजफ्फरपूर येथील राजकीय पदवी महाविद्यालय, गायघाट येथे निवड झाली आहे.एकाच वेळी विद्यापीठाच्या 8 विद्यार्थ्यांची निवड होणे ही विद्यापीठासाठी गौरवाची बाब आहे. विद्यापीठाच्या कुलगुरू प्रा. कुमुद शर्मा यांनी सर्व यशस्वी विद्यार्थ्यांचे अभिनंदन केले आहे.

----------------------------

हिंदुस्थान समाचार / मनोहर कांडेकर