मुंबई, 21 सप्टेंबर (हिं.स.)। सूरज बडजात्या यांच्या बहुप्रतीक्षित ‘ये प्रेम मोल लिया’ या चित्रपटाचे पहिले गाणे आणि टायटल ट्रॅक रिलीज झाले आहे. आयुष्मान खुराना आणि शर्वरी यांच्या प्रमुख भूमिका असलेला हा चित्रपट प्रेम, लग्न, नाती आणि भारतीय संस्कृतीच्या भावनांना केंद्रस्थानी ठेवून बनवण्यात आला आहे. हा कौटुंबिक-रोमँटिक कथानक असलेला चित्रपट आहे. राजश्री प्रोडक्शन्स आणि महावीर जैन फिल्म्सच्या बॅनरखाली बनलेल्या या चित्रपटाच्या टायटल ट्रॅकचे नुकतेच मुंबईतील रॉयल ऑपेरा हाऊसमध्ये एका खास कार्यक्रमादरम्यान लॉन्चिंग करण्यात आले.

टायटल ट्रॅकला श्रेया घोषाल आणि निहाल तौरो यांनी आपला आवाज दिला आहे. गाण्याचे संगीत हिमेश रेशमिया यांनी तयार केले असून, त्याचे बोल कुमार यांनी लिहिले आहेत. गाण्याच्या लॉन्चिंगच्या वेळी हिमेश रेशमिया यांनी लाइव्ह सादरीकरणही केले. गाण्यात प्रेम आणि नात्यांच्या भावनांसोबतच कौटुंबिक वातावरण सुंदर पद्धतीने सादर करण्यात आले आहे.

गाण्याच्या व्हिडिओमध्ये आयुष्मान खुराना आणि शर्वरी लग्नाच्या उत्सवादरम्यान दिसत आहेत. कौटुंबिक उत्सव आणि नात्यांच्या आपुलकीने भरलेले हे गाणे राजश्री प्रोडक्शन्सच्या कौटुंबिक चित्रपटांची ओळखही अधोरेखित करते. चित्रपटात अनुपम खेर, सुप्रिया पाठक यांसारखे अनुभवी कलाकारही महत्त्वाच्या भूमिकांमध्ये दिसणार आहेत. ‘ये प्रेम मोल लिया’चे दिग्दर्शन सूरज बडजात्या यांनी केले आहे. या चित्रपटाच्या माध्यमातून ते पुन्हा एकदा प्रेम, कुटुंब आणि भारतीय संस्कारांशी जोडलेली कथा प्रेक्षकांसमोर घेऊन येत आहेत. हा चित्रपट २७ नोव्हेंबर २०२६ रोजी चित्रपटगृहांमध्ये रिलीज होणार आहे.

---------------

हिंदुस्थान समाचार / Suraj Chaugule