मुंबई, 23 सप्टेंबर (हिं.स.) - रूनवाल एंटरप्रायझेस लिमिटेडने आपल्या इनिशियल पब्लिक ऑफर (आयपीओ) साठी प्रत्येकी ₹२/- दर्शनी मूल्याच्या प्रति इक्विटी शेअरसाठी ₹२९०/- ते ₹३०५/- असा किंमतपट्टा निश्चित केला आहे. ​कंपनीचा इनिशियल पब्लिक ऑफरिंग (आयपीओ किंवा ऑफर) सबस्क्रिप्शनसाठी शुक्रवार, २५ सप्टेंबर २०२६ रोजी उघडेल आणि मंगळवार, २९ सप्टेंबर २०२६ रोजी बंद होईल.

​गुंतवणूकदार किमान ४९ इक्विटी शेअर्ससाठी आणि त्यानंतर ४९ इक्विटी शेअर्सच्या पटीत बोली (Bid) लावू शकतात. ​आजच्या तारखेला आऊटस्टॅडिंग असलेले इक्विटी शेअर्स प्रत्येकी ₹२ चे १३,१३,९१,४३६ इक्विटी शेअर्स आहेत. ​₹२ दर्शनी मूल्य असलेला हा आयपीओ पूर्णपणे ₹५,००० दशलक्ष पर्यंतचा फ्रेश इश्यू (नवे शेअर्स) आहे.

​सेबी (SEBI) ICDR नियमांनुसार बुक-बिल्डिंग प्रक्रियेद्वारे हा इश्यू जारी केला जात आहे. यामध्ये निव्वळ इश्यूच्या (Net Issue) कमाल ५०% भाग पात्र संस्थात्मक खरेदीदारांसाठी (QIBs), किमान १५% भाग बिगर-संस्थात्मक गुंतवणूकदारांसाठी (NIIs) आणि किमान ३५% भाग किरकोळ वैयक्तिक गुंतवणूकदारांसाठी (RIIs) राखीव ठेवण्यात आला आहे.

​२०१६ मध्ये स्थापन झालेली ही कंपनी रिअल इस्टेट विकासाच्या पूर्ण क्षेत्रात कार्यरत असलेली रिअल इस्टेट डेव्हलपर आहे. ही कंपनी परवडणारे, मध्यम-उत्पन्न आणि आलिशान (लक्झरी) विभागांमधील निवासी प्रकल्पांसह व्यावसायिक जागा (Commercial spaces), रिटेल मॉल्स आणि शैक्षणिक इमारतींच्या निर्मितीत विशेष प्राविण्य बाळगून आहे (स्रोत: JLL अहवाल).

​ही कंपनी उद्योगातील एक मान्यताप्राप्त ब्रँड असून मुंबईत तिची मजबूत उपस्थिती आहे (स्रोत: JLL अहवाल).

​जानेवारी २०२३ ते ३१ मार्च २०२६ दरम्यान अनुक्रमे सुमारे २.३३% आणि २.४६% बाजारातील हिश्यासह मुंबईतील नवीन लॉन्च आणि विक्रीच्या बाबतीत कंपनी तिसऱ्या क्रमांकावर आहे (स्रोत - JLL अहवाल).

​मुंबईच्या पूर्व उपनगरांमध्ये (ज्यामध्ये मुलुंड, विक्रोळी, घाटकोपर, कांजुरमार्ग, पवई आणि भांडुपचा समावेश आहे), कंपनी विक्रीच्या बाबतीत पहिल्या क्रमांकावर आहे (सुमारे ७.८८% विक्री) आणि नवीन लॉन्चमध्ये चौथ्या क्रमांकावर आहे (सुमारे २.८९%) (जानेवारी २०२३ ते ३१ मार्च २०२६ दरम्यान) (स्रोत: JLL अहवाल). जानेवारी २०२३ ते ३१ मार्च २०२६ दरम्यान अनुक्रमे सुमारे ११.४१% आणि ६.३३% बाजारातील हिश्यासह, कल्याण आणि डोंबिवली येथे नवीन लॉन्चमध्ये कंपनी प्रथम क्रमांकावर आणि विक्रीमध्ये दुसऱ्या क्रमांकावर आहे (स्रोत - JLL अहवाल).

​३१ मार्च २०२६ पर्यंत, कंपनीकडे १९ पूर्ण झालेले प्रकल्प, २८ सुरू असलेले प्रकल्प आणि ३३ आगामी प्रकल्पांमध्ये एकूण विकासयोग्य क्षेत्र आणि अंदाजित विकासयोग्य क्षेत्र (आगामी प्रकल्पांच्या बाबतीत) ८८.३७ दशलक्ष स्क्वेअर फूट आहे. कंपनीच्या अनुभवामध्ये जमीन संपादनाची गरज असलेल्या ग्रीनफिल्ड प्रकल्पांचा, तसेच जॉइंट डेव्हलपमेंट ॲग्रीमेंट्स (JDA) सारख्या लवचिक आणि ॲसेट लाईट मॉडेल्सचा समावेश आहे. ग्रीनफिल्ड प्रकल्प म्हणजे अशा जमिनीच्या तुकड्यांवर केलेले विकासकाम, ज्याचा वापर, विकास किंवा बांधकाम यापूर्वी कधीही निवासी राहण्याच्या उद्देशाने केला गेला नाही.

​कंपनीचा रिअल इस्टेट विकास व्यवसाय रिअल इस्टेट विकासाशी संबंधित सर्व उपक्रमांशी जोडलेला आहे, ज्यामध्ये जमिनीची ओळख आणि संपादन करण्यापासून ते तिच्या विकास प्रकल्पांचे नियोजन, अंमलबजावणी, मार्केटिंग आणि विक्रीपर्यंतच्या सर्व बाबी समाविष्ट आहेत. याच प्रक्रियेद्वारे कंपनी अपार्टमेंट्स, रिटेल स्पेसेस, कार्यालये, शाळा, रुग्णालये आणि टाऊनहॉल्स यांसारखे विविध निवासी आणि व्यावसायिक प्रकल्प विकसित करते.

​३१ मार्च २०२६ पर्यंत, कंपनीने मुंबईच्या पूर्व, मध्य, परिधीय मध्य, दक्षिण मध्य आणि पश्चिम उपनगरांमध्ये पसरलेले निवासी इमारती, टाऊनशिप, कॉर्पोरेट कार्यालये, रिटेल मॉल्स, रिटेल स्पेसेस, शाळा आणि इतर विविध रिअल इस्टेट प्रकल्पांसह निवासी, रिटेल आणि व्यावसायिक मालमत्तांचे एकूण ३१.९६ दशलक्ष स्क्वेअर फूट विकासयोग्य क्षेत्र विकसित केले आहे किंवा विकसित करत आहे.

​मुंबईत एक पूर्ण-सेवा देणारी रिअल इस्टेट डेव्हलपर बनणे, निवासी आणि बिगर-निवासी अशा दोन्ही प्रकल्पांचा विकास करणे आणि विविध प्रकारच्या सुविधा आणि आयकॉनिक लँडमार्क असलेल्या समुदायांचा (एकात्मिक टाऊनशिपसह) विकास करणे हे कंपनीचे व्हिजन आहे.

​३१ मार्च २०२६ पर्यंत कंपनीच्या निवासी पोर्टफोलिओमध्ये पूर्ण झालेले प्रकल्प, सुरू असलेले प्रकल्प आणि आगामी प्रकल्पांच्या एकूण ७४.५८ दशलक्ष स्क्वेअर फूट विकासयोग्य आणि अंदाजित विकासयोग्य क्षेत्राचा समावेश आहे आणि त्याची परवडणारे, मध्यम-उत्पन्न आणि लक्झरी मार्केटमध्ये विभागणी करण्यात आली आहे.

​कंपनीने ऐतिहासिकदृष्ट्या परवडणाऱ्या आणि मध्यम-उत्पन्न निवासी विभागांवर लक्ष केंद्रित केले आहे (डोंबिवलीतील 'रनवाल गार्डन्स' आणि मुलुंड पश्चिमेतील 'रनवाल ग्रीन्स' ही याची उल्लेखनीय उदाहरणे आहेत), परंतु अलीकडेच लक्झरी निवासी विभागाचा (म्हणजेच ७ महालक्ष्मी आणि गिरगाव) समावेश करण्यासाठी आपल्या लक्ष्याचा विस्तार केला आहे.

​कंपनी मुंबईत भौगोलिकदृष्ट्याही विस्तार करत आहे; पूर्व उपनगरांकडून महालक्ष्मी, गिरगाव आणि वांद्रे यांसारख्या पश्चिम भागांमध्ये आणि मुंबई महानगर प्रदेशाच्या (MMR) बाहेर अलिबाग जवळ विस्तार करत आहे. तिच्या व्यवसायात काही व्यावसायिक आणि शॉपिंग कॉम्प्लेक्समधील युनिट्सचा विकास आणि भाडेतत्त्वावर देणे/विक्री करणे यांचाही समावेश आहे. ३१ मार्च २०२६ पर्यंत, कंपनीच्या बिगर-निवासी पोर्टफोलिओमध्ये १३.८० दशलक्ष स्क्वेअर फूट प्रकल्पांच्या एकूण विकासयोग्य आणि अंदाजित विकासयोग्य क्षेत्राचा समावेश आहे.

​अलीकडच्या वर्षांत, कंपनीने JDA, डेव्हलपमेंट ॲग्रीमेंट्स (DAs) आणि जॉइंट व्हेंचर्स (JVs) याद्वारे ॲसेट लाईट आधारावर वाढण्याच्या संधींचाही शोध घेतला आहे.

शाश्वत विकासासाठीची वचनबद्धता ही तिच्या मुख्य ताकदींपैकी एक आहे, जी आर्थिक,सामाजिक आणि पर्यावरणीय बाबींना तिच्या व्यावसायिक पद्धतींमध्ये समाविष्ट करते. तिच्या पर्यावरणीय उपक्रमांमध्ये नूतनीकरणयोग्य इंधनाचा वापर, ग्रीनहाऊस वायू उत्सर्जनात घट, हवामान जोखीम व्यवस्थापन,पाणी संवर्धन, रीसायकलिंग आणि आणीबाणीच्या तयारीची खात्री करणे यांचा समावेश आहे. सामाजिकदृष्ट्या, कंपनी आरोग्य आणि सुरक्षा,कर्मचारी लाभ, विविधता, समानता आणि स्थानिक समुदायांवर होणाऱ्या प्रभावाला प्राधान्य देते.

​प्रशासनाच्या (Governance) बाबतीत, कंपनी नैतिक मानकांचे पालन करते, बोर्डातील विविधतेला आणि सुशासनाला प्रोत्साहन देते, कामगिरीवर आधारित वेतन लागू करते आणि भागधारकांचा सहभाग कायम ठेवते.

पर्यावरणपूरक इमारतींचे डिझाइन आणि बांधकाम करण्यासाठी कंपनीने ग्रीन बिल्डिंग मानकांचा केलेला स्वीकार ही तिची शाश्वततेबद्दलची वचनबद्धता दर्शवते. यामध्ये ऊर्जा-कार्यक्षम साहित्याचा वापर करणे, नूतनीकरणयोग्य ऊर्जा प्रणाली स्थापित करणे, कार्यक्षम इन्सुलेशन समाविष्ट करणे आणि कचरा व्यवस्थापन पद्धती लागू करणे यांचा समावेश आहे.

​नाणेवर्ष २६ (FY26) दरम्यान कंपनीचे कामकाजातून आलेलला महसूल (Revenue from operations) ₹१,७९८.९ कोटी होते, जे आथिर्क वर्ष २५ (FY25) दरम्यान ₹१,००७.७ कोटी होते.

​आर्थिक वर्ष २६ दरम्यान तिचा निव्वळ नफा (Net profit) ₹१८५.७ कोटी होता, जो नाणेवर्ष २५ दरम्यान ₹५५.६ कोटी होता.

​आयसीआयसीआय सिक्युरिटीज लिमिटेड आणि जेफरीज इंडिया प्रायव्हेट लिमिटेड हे या ऑफरचे बुक-रनिंग लीड मॅनेजर्स आहेत, आणि एमयूएफजी इनटाइम इंडिया प्रायव्हेट लिमिटेड ही या ऑफरची रजिस्ट्रार आहे. ​हे इक्विटी शेअर्स एनएसई (NSE) आणि बीएसई (BSE) वर सूचीबद्ध (List) करण्याचे प्रस्तावित आहे.

---------------

हिंदुस्थान समाचार / सुधांशू जोशी