अमरावती, 04 सप्टेंबर (हिं.स.)

अमरावती महानगरपालिकेतील अर्धवेळ स्वरूपात कार्यरत असलेल्या कर्मचाऱ्यांना पूर्णवेळ करण्याबाबत आवश्यक कार्यवाही करण्याचे निर्देश माननीय खासदार डॉ. अनिल बोंडे साहेब व माननीय आमदार प्रवीण पोटे साहेब यांनी आज महानगरपालिकेत आयोजित आढावा बैठकीत दिले.

महानगरपालिकेच्या विविध विभागांमध्ये अनेक कर्मचारी अर्धवेळ स्वरूपात सेवा बजावत असून, त्यांच्या सेवाकाळाचा व कामाचा विचार करून त्यांना पूर्णवेळ करण्याच्या दृष्टीने प्रशासनाने आवश्यक प्रस्ताव व कार्यवाही तातडीने करावी, अशा सूचना यावेळी देण्यात आल्या.महानगरपालिकेच्या कामकाजात या कर्मचाऱ्यांचे महत्त्वपूर्ण योगदान असून, त्यांच्या सेवा-सुविधांबाबत सकारात्मक निर्णय घेण्याची आवश्यकता असल्याचे खासदार डॉ. अनिल बोंडे व आमदार प्रवीण पोटे यांनी स्पष्ट केले.यावेळी महानगरपालिकेतील विविध विषयांचा सविस्तर आढावा घेण्यात आला. संबंधित विषयांवर प्रशासनाने तातडीने कार्यवाही करून त्याबाबतचा अहवाल सादर करण्याचे निर्देशही देण्यात आले---------------

हिंदुस्थान समाचार / अरुण जोशी