काबुल , 07 सप्टेंबर (हिं.स.)।

सोमवारी भारताच्या शेजारील देश असलेल्या अफगाणिस्तानमध्ये पहाटेच्या सुमारास भूकंपाचे धक्के जाणवले. माहितीनुसार, या भूकंपाची तीव्रता रिश्टर स्केलवर ४.१ इतकी नोंदवण्यात आली आहे.

राष्ट्रीय भूकंपशास्त्र केंद्राने (एनसीएस) दिलेल्या माहितीनुसार, हा भूकंप पहाटे ५ वाजून ३६ मिनिटांनी झाला. भूकंपाचा केंद्रबिंदू जमिनीखाली १३० किलोमीटर खोलीवर होता. आतापर्यंत या भूकंपामुळे कोणत्याही प्रकारची जीवितहानी किंवा मालमत्तेचे नुकसान झाल्याची माहिती समोर आलेली नाही. यापूर्वी १४ ऑगस्ट रोजीही अफगाणिस्तानमध्ये भूकंपाचे दोन धक्के जाणवले होते.

राष्ट्रीय भूकंपशास्त्र केंद्राने सांगितले की, सोमवारी पहाटे २ वाजून ५० मिनिटांनी भारताचा शेजारी देश म्यानमारमध्येही भूकंपाचे धक्के जाणवले. या भूकंपाची तीव्रता रिश्टर स्केलवर ३.९ इतकी नोंदवण्यात आली. भूकंपाचा केंद्रबिंदू जमिनीखाली ८९ किलोमीटर खोलीवर होता.

दरम्यान, यापूर्वी भारताचा आणखी एक शेजारी देश नेपाळमध्येही बुधवारी भूकंप झाला होता. या भूकंपाची तीव्रता रिश्टर स्केलवर ३.८ इतकी नोंदवण्यात आली. हा भूकंप संध्याकाळी ६ वाजून ५९ मिनिटांनी झाला असून, त्याचा केंद्रबिंदू जमिनीखाली २० किलोमीटर खोलीवर होता.

---------------

हिंदुस्थान समाचार / Priyanka Bansode