दुबई, 08 सप्टेंबर (हिं.स.)भारतीय फिरकी गोलंदाज श्री चरणी आंतरराष्ट्रीय क्रिकेट परिषदेने जाहीर केलेल्या टी२० गोलंदाजांच्या यादीत अव्वल स्थानी कायम आहे. अनुभवी दीप्ती शर्माने क्रमवारीत सुधारणा झाली आहे आहे. ताज्या क्रमवारीत श्री चरणी पहिल्या क्रमांकावर असून, त्यानंतर इंग्लंडची सोफी एक्लेस्टोन दुसऱ्या, इंग्लंडची चार्ली डीन तिसऱ्या, दक्षिण आफ्रिकेची ॲन म्बाला चौथ्या आणि इंग्लंडची लॉरेन बेल पाचव्या स्थानावर आहे.

भारताची अनुभवी फिरकी गोलंदाज दीप्ती शर्माने दोन स्थानांची झेप घेतली असून ती आता सहाव्या स्थानावर आहे. दीप्ती सध्या सुरू असलेल्या आशिया कपमध्ये उत्कृष्ट फॉर्ममध्ये आहे. आणि भारताला उपांत्य फेरीपर्यंत पोहोचवण्यात महत्त्वाची भूमिका बजावली आहे. इंग्लंडची लिन्सी स्मिथ एका स्थानाने घसरून सातव्या स्थानावर आली आहे, तर पाकिस्तानची नश्रा संधू एका स्थानाने घसरून आठव्या स्थानावर आली आहे. दक्षिण आफ्रिकेची मरिझान कॅप एका स्थानाने पुढे जात नवव्या स्थानावर पोहोचली आहे. पाकिस्तानची सादिया इक्बाल एका स्थानाने घसरून दहाव्या स्थानावर आली आहे.

याशिवाय, आशिया कपमध्ये चांगली कामगिरी केलेल्या इतर काही गोलंदाजांनीही आयसीसी क्रमवारीत प्रगती केली आहे. बांगलादेशची मरुफा अख्तर १९ स्थानांनी पुढे जात १८ व्या स्थानावर पोहोचली आहे. श्रीलंकेची कर्णधार चमारी अटापट्टू पाच स्थानांनी पुढे जात २८ व्या स्थानावर पोहोचली आहे, आणि सुलताना खातून नऊ स्थानांनी पुढे जात ३७ व्या स्थानावर पोहोचली आहे. थायलंडची थिपाचा पुथावोंग चार स्थानांनी पुढे जात ४७ व्या स्थानावर पोहोचली आहे, आणि तिची सहकारी सुलीपोर्न लाओमी १० स्थानांनी पुढे जात ५३ व्या स्थानावर पोहोचली आहे.

महिला टी२० फलंदाजांची क्रमवारी पाहिली तर, ऑस्ट्रेलियाची बेथ मूनी पहिल्या, ऑस्ट्रेलियाची जॉर्जिया वॉल दुसऱ्या, दक्षिण आफ्रिकेची कर्णधार लॉरा वॉल्वार्ड तिसऱ्या, वेस्ट इंडिजची हेली मॅथ्यूज चौथ्या, भारताची स्मृती मानधना पाचव्या, श्रीलंकेची चमारी अथापट्टू सहाव्या, भारताची शफाली वर्मा सातव्या, न्यूझीलंडची अमेलिया केर आठव्या, ऑस्ट्रेलियाची टाहलिया मॅकग्रा नवव्या आणि भारताची हरमनप्रीत कौर दहाव्या स्थानावर आहे.

---------------

हिंदुस्थान समाचार / वृषाली देशपांडे