लेबनान, २० ऑक्टोबर (हिं.स.) :
हिजबुल्लाहने इस्रायलवर ड्रोन हल्ला करून पंतप्रधान बेंजामीन नेतन्याहू यांच्या घराला लक्ष्य करण्याचा प्रयत्न केला. इस्रायल सरकारने या हल्ल्याची पुष्टी केली असून शनिवारी सकाळी ड्रोन लॉन्च करण्यात आले होते. यात कोणतीही जखमी झाले नाही.
इस्रायलमधील सायरनच्या आवाजाने स्थानिक नागरिकांना लेबनानच्या दिशेने होणाऱ्या गोळीबाराचा इशारा दिला. हल्ल्याच्या वेळी नेतन्याहू आणि त्यांच्या पत्नी घराबाहेर होते त्यामुळे कोणताही अनर्थ घडला नाही.
यापूर्वी, इस्रायल डिफेन्स फोर्सेसने (IDF) लेबनानमधील हिजबुल्लाह बटालियनच्या कमांडर हुसेन मोहम्मद अवदा याला ठार केले. २३ सप्टेंबरपासून इस्रायलने लेबनानवर हवाई हल्ले सुरू केले आहेत.
१७ सप्टेंबर रोजी, लेबनानमध्ये ३००० हून अधिक जणांना जखमी करणाऱ्या स्फोटाच्या घटनेने तणाव वाढला होता. हिजबुल्लाहने या स्फोटाची जबाबदारी इस्रायलवर टाकली आहे.
या संदर्भात, हमासने ऑक्टोबर २०२३ मध्ये इस्रायलवर हल्ला केला होता. त्यात शेकडो नागरिक ठार झाले आणि अनेकांचे अपहरण करण्यात आले होते. त्या हल्ल्यानंतर पश्चिम आशियामध्ये परिस्थिती बिघडली. गाझापट्टीत इस्रायल आणि हमास यांच्यात युद्ध सुरू आहे.
इस्रायलच्या हल्ल्यानंतर इराणनेही इस्रायलवर क्षेपणास्त्र हल्ला केला. इस्रायलचे पंतप्रधान नेतन्याहू यांनी या हल्ल्यांचा उचित वेळी बदला घेण्यात येईल असा इशारा दिला आहे.
सध्याच्या या ताणतणावात परिस्थिती आणखी विस्फोटक होण्याची शक्यता आहे.
हिंदुस्थान समाचार / Shuddhodana Mangorao
