सुरनकोटमध्ये झालेल्या भ्याड हल्ल्यात 5 जवान जखमी
श्रीनगर, 04 मे (हिं.स.) : जम्मू-काश्मीरच्या पुंछ जिल्ह्यातील सुरनकोटमध्ये आज, शनिवारी जिहादी दहशतवाद्यांनी हवाई दलाच्या वाहनावर हल्ला चढवला. या भ्याड हल्ल्यात 5 जवान जखमी झाले आहेत. दरम्यान स्थानिक राष्ट्रीय रायफल्स युनिटने परिसराची घेराबंदी आणि शोध मोहीम सुरू केली आहे.
सुरक्षा दलाच्या सूत्रांनी सांगितले की, “दहशतवाद्यांनी जम्मू-काश्मीरमधील पुंछ जिल्ह्यात भारतीय हवाई दलाच्या वाहनांच्या ताफ्यावर हल्ला केला आहे. स्थानिक राष्ट्रीय रायफल्स युनिटने परिसराची घेराबंदी आणि शोध मोहीम सुरू केली आहे. शाहसीतारजवळील जनरल परिसरात हवाई तळाच्या आत वाहने सुरक्षित करण्यात आली आहेत. या हल्ल्यात 5 जवान जखमी झाले असून अद्याप कोणतीही हानी झाल्याचे वृत्त नाही. हल्ला केल्यानंतर दहशतवादी घटनास्थळावरून फरार झाले आहेत. जखमी जवानांना उपचारासाठी रुग्णालयात दाखल करण्यात आले आहे. गेल्या वर्षी लष्करावर अनेक दहशतवादी हल्ल्यांचा साक्षीदार असलेल्या या भागात सशस्त्र दलांवर झालेला हा पहिलाच मोठा हल्ला आहे. हल्ल्यानंतर समोर आलेल्या चित्रांमध्ये वाहनाच्या विंडस्क्रीनवर किमान डझनभर गोळ्यांचे छिद्र दिसत आहेत.
हिंदुस्थान समाचार
