छत्रपती संभाजीनगर, 11 ऑक्टोबर (हिं.स.) | फुलंब्री कृषी उत्पन्न बाजार समिती येथे शेतकरी भवन बांधकामास १ कोटी ५० लाख रुपयांचा निधी मंजूर करण्यात आला आहे. या निर्णयामुळे फुलंब्री कृषी उत्पन्न बाजार समितीच्या कार्यक्षेत्रातील शेतकऱ्यांना आधुनिक सुविधा, प्रशासकीय सोय आणि विकासाचे नवे केंद्र मिळणार आहे. बाजार समितीमार्फत शेतमाल खरेदी-विक्रीसाठी सक्षम व्यवस्था उभी राहणार आहे. महायुती सरकारने ग्रामीण भागातील शेतकऱ्यांचे सक्षमीकरण आणि पायाभूत सुविधा निर्माण यासाठी घेतलेला पुढाकार कौतुकास्पद आहे.अशी प्रतिक्रिया आमदार अनुराधा चव्हाण यांनी दिली.
----------
हिंदुस्थान समाचार / Hanumant Madanrao Chitnis