नाशिक, 7 ऑक्टोबर (हिं.स.)। मुलाने जन्मदात्या आईची हत्या केल्याची धक्कादायक घटना सातपूर कॉलनी परिसरात घडली. मंगला घोलप असे हत्या झालेल्या महिलेचे नाव आहे. घोलप या विस्तार अधिकारी म्हणून काम करत होत्या. त्यांच्या मुलानेच ही हत्या केल्याची माहिती समोर आली आहे.

घटनेची माहिती मिळताच पोलिसांनी आरोपी मुलाला त्वरीत ताब्यात घेतले. ही हत्या त्याने कोणत्या कारणातून केली हे मात्र समजू शकले नाही. याप्रकरणी सातपूर पोलीस ठाण्यात गुन्हा दाखल करण्यात आला आहे. ही सर्व घटना दारू पिण्यासाठी पैसे न दिल्याने झाल्याचे पोलिसांनी सांगितले आहे. शहरात लागोपाठ होणाऱ्या खूनाच्या घटनांनी नागरिकांमध्ये भीतीचे वातावरण निर्माण झाली आहे.

---------------

हिंदुस्थान समाचार / GOSAVI CHANDRASHEKHAR SUKDEV