छत्रपती संभाजीनगर, 19 नोव्हेंबर (हिं.स.)।छत्रपती संभाजीनगर महानगरपालिका क्षेत्रात स्वच्छता सुविधा अधिक मजबूत करण्यासाठी 100 नवीन पे अ‍ॅण्ड यूज शौचालये उभारण्याचा महत्त्वपूर्ण निर्णय घेण्यात आला आहे.या उपक्रमामुळे नागरिकांना स्वच्छ आणि सुलभ सुविधा उपलब्ध होणार असून शौचालयांच्या देखभाल व व्यवस्थापनाची जबाबदारी स्थानिक सफाई कर्मचाऱ्यांना दिली जाणार आहे. त्यामुळे त्यांना स्वयंरोजगाराची नवी संधी मिळणार आहे.

पालकमंत्री संजय शिरसाट अध्यक्षतेखाली घेतलेल्या बैठकीत हा निर्णय घेण्यात आला.या बैठकीस दूरदृश्य प्रणालीद्वारे छ. संभाजीनगर महानगरपालिकेचे आयुक्त जी. श्रीकांतमहात्मा फुले मागासवर्ग विकास महामंडळाचे व्यवस्थापकीय संचालक बाबासाहेब बेलदार

सामाजिक न्याय विभागाच्या उपसचिव वर्षा देशमुख तसेच संबंधित वरिष्ठ अधिकारी उपस्थित होते.शहरातील बाजारपेठा, बसस्थानके, सार्वजनिक जागा व गर्दीच्या वसाहतींमध्ये वाढत्या लोकसंख्येनुसार शौचालयांची वाढती गरज लक्षात घेऊन हा प्रकल्प राबविण्यात येत आहे.

महानगरपालिकेतर्फे शौचालयासाठी जागा उपलब्ध करून देण्यात येणार असून निधी राष्ट्रीय सफाई कर्मचारी वित्तीय विकास महामंडळाच्या माध्यमातून दिला जाणार आहे.हा प्रकल्प प्री-फॅब्रिकेटेड / मॉड्यूलर तंत्रज्ञानावर आधारित असून, छत्रपती संभाजीनगर शहराच्या स्वच्छतेकडे एक महत्त्वपूर्ण पाऊल म्हणून सिद्ध होणार आहे.

-------------------

हिंदुस्थान समाचार / Hanumant Madanrao Chitnis