बीड, 3 डिसेंबर, (हिं.स.)। अहिल्यानगर–बीड–परळी नवीन रेल्वे मार्गाबाबत महत्त्वपूर्ण अपडेट समोर आली असून अत्यंत महत्त्वाचे आणि अपेक्षित असलेल्या बीड–वडवणी रेल्वे विभागात आता अंतिम टप्प्यातील काम सुरू झाले आहे. अशी माहिती बीडचे खासदार बजरंग सोनवणे यांनी आज दिली आहे.
मध्य रेल्वेमार्फत येथे इंजिन चाचणी आणि सीआरएस तपासणी होणार असल्याची माहिती देण्यात आली.
चाचण्यांचे वेळापत्रक
इंजिन चाचणी – ०६ डिसेंबर २०२५ सीआरएस तपासणी व स्पीड चाचण्या – १० व ११ डिसेंबर २०२५
या काळात सकाळी १० ते संध्या. ६ दरम्यान हाय-स्पीड रन घेण्यात येतील.
शबीड जिल्ह्यातील नागरिकांनी घ्यावयाची काळजी
या चाचण्या सुरक्षित पार पडण्यासाठी आपले सहकार्य अत्यंत महत्त्वाचे आहे.
रेल्वे ट्रॅकवर किंवा जवळ अतिक्रमण करू नये
गुरेढोरे ट्रॅकवर जाणार नाहीत याची काळजी घ्यावी
अनधिकृत ठिकाणी ट्रॅक ओलांडू नये
दिवसभर ट्रॅकपासून सुरक्षित अंतर राखाव
बीड–वडवणी विभाग सुरू करण्याच्या दिशेने हा अतिशय महत्त्वाचा टप्पा आहे. आपल्या सर्वांच्या सहकार्यामुळेच हा मोठा प्रकल्प जलद गतीने पूर्णत्वाकडे जात आहे.
---------------
हिंदुस्थान समाचार / Aparna Chitnis
