रायबरेली, 03 एप्रिल (हिं.स.) : उत्तरप्रदेशच्या रायबरेली येथील मॉडर्न रेल कोच फॅक्टरीने यावर्षी एक नवा विक्रम प्रस्थापित केला आहे. रेल्वे कारखान्याने 2024-25 या आर्थिक वर्षात, एकूण 2025 कोच तयार केले आहेत. गेल्या वर्षी या कारखान्यात 1684 कोच तयार करण्यात आले होते. त्यातुलनेत यंदा या कारखान्याने 341 अतिरिक्त कोचे बनवले आहेत.

या वर्षी तयार झालेल्या कोचपैकी 1274 कोच सामान्य प्रवाशांसाठी सामान्य आणि स्लीपर क्लासचे आहेत. यामध्ये दीनदयालु एक्सप्रेसचे 582 कोच आणि 500 स्लीपर क्लास कोचचा समावेश आहे. याशिवाय, 20 मेमू (मेनलाइन इलेक्ट्रिक मल्टीपल युनिट) आणि 21 तेजस एक्सप्रेस कोच देखील बनवण्यात आले आहेत. याठिकाणी लवकरच वंदे भारत ट्रेनचे डबे देखील तयार करेल. पहिला रॅक पुढील 6 महिन्यांत तयार होईल. आरेडिका येथे कोच निर्मितीचा खर्च सर्वात कमी आहे आणि येथील कामगार उत्पादकता देशात सर्वोत्तम असल्याचे कारखान्याच्या महाव्यवस्थापकांनी सांगितले. आयआरईसीडीए केवळ रेल्वे कोच तयार करत नाही तर स्थानिक लोकांसाठी वैद्यकीय सुविधा आणि क्रीडा उपक्रमांना प्रोत्साहन देखील देत आहे. याशिवाय, कारखान्याने तांत्रिकदृष्ट्या कुशल माजी सैन्यदलांना त्यांच्या कौशल्याचा वापर करण्यासाठी आणि त्यांना रोजगार देण्यासाठी नोकऱ्यांसाठी आमंत्रित केले आहे.रायबरेलीतील लालगंज येथे स्थित हा कारखाना भारतीय रेल्वेसाठी उच्च दर्जाचे कोच तयार करत आहे आणि देशाचे रेल्वे नेटवर्क मजबूत करण्यात महत्त्वाचे योगदान देत आहे.

---------------------

हिंदुस्थान समाचार / मनीष कुलकर्णी