नवी दिल्ली, 16 सप्टेंबर (हिं.स.)पंतप्रधान नरेंद्र मोदींनी भारतीय बुद्धिबळ ग्रँडमास्टर वैशाली रमेशबाबूचे फिडे महिला ग्रँड प्रिक्स स्विस विजेतेपद जिंकल्याबद्दल अभिनंदन केले. त्यांनी म्हटले की, वैशालीचा उत्साह आणि समर्पण प्रेरणादायी आहे. पंतप्रधानांनी लिहिले, 'महान कामगिरी. वैशाली रमेशबाबू यांचे अभिनंदन. तिची आवड आणि समर्पण कौतुकास्पद आहे. तिच्या आगामी वाटचालीसाठी शुभेच्छा.'

भारतीय ग्रँडमास्टर वैशाली रमेशबाबूने सलग दुसऱ्यांदा फिडे महिला ग्रँड प्रिक्स स्विस विजेतेपद जिंकले. समरकंद येथे खेळल्या गेलेल्या ११ व्या आणि अंतिम फेरीत चीनच्या माजी विश्वविजेत्या झोंगी तानविरुद्ध कठीण सामना बरोबरीत सोडवून तिने ही कामगिरी केली. या विजयासह तिने महिला कॅंडिडेट्स स्पर्धेतही स्थान मिळवले आहे.पंतप्रधान मोदींनी आणखी एका क्रीडा कामगिरीबद्दल आनंद व्यक्त केला. २०२५ च्या वरिष्ठ पुरुषांच्या १००० मीटर स्प्रिंट स्पीड स्केटिंग वर्ल्ड चॅम्पियनशिपमध्ये सुवर्णपदक जिंकल्याबद्दल त्यांनी आनंदकुमार वेलकुमारचे अभिनंदन केले. पंतप्रधान मोदींनी लिहिले की, 'आनंदचे धाडस, वेग आणि आवड त्याला भारताचा पहिला स्केटिंग वर्ल्ड चॅम्पियन बनवते. ही कामगिरी असंख्य तरुणांना प्रेरणा देईल. त्याचे अभिनंदन आणि त्याच्या भविष्यातील प्रयत्नांसाठी शुभेच्छा.'

--------------

हिंदुस्थान समाचार / वृषाली देशपांडे