नवी दिल्ली, ११ ऑक्टोबर (हिं.स.) समाजवादी पक्षाचे राष्ट्रीय अध्यक्ष अखिलेश यादव यांचे फेसबुक अकाउंट १२ तासांसाठी ब्लॉक करण्यात आले होते. समाजवादी पक्षाने या कारवाईला लोकशाहीवरील हल्ला म्हटले होते. माहिती आणि प्रसारण मंत्री अश्विनी वैष्णव यांनी या आरोपांमध्ये सरकारचा कोणताही सहभाग नसल्याचे म्हटले आहे.
वैष्णव यांनी सांगितले की, या कारवाईत सरकारची कोणतीही भूमिका नाही. फेसबुक धोरणांचे उल्लंघन केल्यामुळे, विशेषतः अपशब्द वापरल्यामुळे अखिलेश यादव यांचे पेज काढून टाकण्यात आले. या कारवाईत सरकारचा कोणताही सहभाग नसल्याचे वैष्णव यांनी सांगितले.
शुक्रवारी रात्री अखिलेश यादव यांचे फेसबुक अकाउंट ब्लॉक करण्यात आले होते. त्यांचे आठ दशलक्ष फेसबुक फॉलोअर्स आहेत. समाजवादी पक्षाच्या आयटी टीमने मेटाला याबद्दल माहिती दिली आणि ते शनिवारी दुपारी पुनर्संचयित करण्यात आले.
मेटाने त्यांच्या फेसबुक पेजवरील हिंसक आणि अश्लील पोस्ट मुळे ही कारवाई केली. मेटाच्या कृतीसाठी सपा नेत्यांनी सरकारला जबाबदार धरले होते. सपा प्रवक्ते फखरुल हसन चंद यांनी आरोप केला की, पेज निलंबन हा केंद्रातील भाजप सरकारने मतभेद असलेल्या आवाजांना दाबण्याचा प्रयत्न केला होता. सरकारी दबावाशिवाय अखिलेश यांचे व्हेरिफाइड अकाउंट निलंबित करणे शक्य नव्हते.
---------------
हिंदुस्थान समाचार / वृषाली देशपांडे
