विंडहोक, 12 ऑक्टोबर (हिं.स.) नामिबीयाने अखेरच्या चेंडूवर दक्षिण आफ्रिकेला 4 विकेट्सने पराभूत करत आयसीसी पूर्ण सदस्याविरुद्ध पहिला विजय नोंदवला. आपल्या घरच्या मैदानावर पहिला आंतरराष्ट्रीय सामना खेळत असलेल्या नामिबिया क्रिकेट ग्राउंडने दक्षिण आफ्रिकेला आठ विकेट्स गमावून १३४ धावांवर रोखले. त्यानंतर यजमान संघाने आपल्या डावाच्या शेवटच्या चेंडूवर विजय मिळवला. संघाने सहा विकेट्स गमावत १३८ धावा केल्या.

आयसीसी असोसिएट सदस्य नामिबियाने या टी-२० सामन्यापूर्वी दक्षिण आफ्रिकेविरुद्ध कोणत्याही स्वरूपात कोणताही आंतरराष्ट्रीय सामना खेळला नव्हता. पण डोनोव्हन फरेरा यांच्या नेतृत्वाखालील दुसऱ्या क्रमांकाच्या दक्षिण आफ्रिकेच्या संघाला पराभूत करून त्यांचे स्वप्न साकार झाले.

एडेन मार्करामच्या नेतृत्वाखालील दक्षिण आफ्रिकेचा मुख्य संघ सध्या दोन कसोटी सामन्यांच्या मालिकेसाठी पाकिस्तानमध्ये आहे. क्विंटन डी कॉक आणि रीझा हेंड्रिक्स सारख्या अनुभवी क्रिकेटपटूंची उपस्थिती असूनही, दक्षिण आफ्रिकेला पाच विकेट्सने ६८ धावांवर बाद करण्यात आले. आपला दुसरा टी२० सामना खेळणाऱ्या जेसन स्मिथने ३१ चेंडूत ३० धावा काढून दक्षिण आफ्रिकेला सन्मानजनक धावसंख्या उभारून दिली.

नामिबियाचा डावखुरा वेगवान गोलंदाज रुबेन ट्रम्पेलमनने २८ धावांत तीन विकेट्स घेतल्या. या लक्ष्याला प्रत्युत्तर देताना नामिबियाच्या आघाडीच्या फंलदाजांना आफली छाप सोडता आली नाही. आणि घरच्या संघाने ६६ धावांत चार विकेट्स या संघाने गमावल्या होत्या. पण त्यांचा अनुभवी यष्टीरक्षक-फलंदाज जॅन एडवर्ड ग्रीनने २३ चेंडूत नाबाद ३० धावा केल्या. तो त्याचा ७२ वा टी२० सामना खेळत होता.

रुबेन ट्रम्पेलमनने आठ चेंडूत ११ धावा करून घरच्या संघाला डावाच्या शेवटच्या चेंडूवर सहा बाद १३८ धावांपर्यंत पोहोचवले आणि ऐतिहासिक विजय मिळवून दिला. नामिबियाचा कर्णधार गेरहार्ड इरास्मस पहिल्यांदाच घरच्या मैदानावर आंतरराष्ट्रीय सामना खेळत असल्याचा आनंद व्यक्त करत होता.

---------------

हिंदुस्थान समाचार / वृषाली देशपांडे