मुंबई, 12 ऑक्टोबर (हिं.स.)। टाटा मोटर्स आपल्या आयकॉनिक एसयूव्ही टाटा सिएराला भारतीय बाजारात पुन्हा एकदा सादर करण्याच्या तयारीत आहे. 1990 च्या दशकात लोकप्रिय ठरलेल्या या कारला आता आधुनिक डिझाइन आणि मल्टी-पावरट्रेन तंत्रज्ञानासह नव्या रुपात आणले जात आहे. कंपनीने पुष्टी केली आहे की, 2030 पर्यंत सात नवीन मॉडेल्स लॉन्च होतील आणि यापैकी पहिली एसयूव्ही टाटा सिएरा 2025 असेल. ही कार ह्युंदाई क्रेटा, किआ सेल्टोस, मारुती ग्रँड विटारा आणि मारुती व्हिक्टोरिस सारख्या लोकप्रिय एसयूव्हीला थेट स्पर्धा देईल.

नवीन सिएरा तीन इंजिन पर्यायांसह उपलब्ध होईल. यात 1.5-लिटर नॅच्युरली-एस्पिरेटेड पेट्रोल, 1.5-लिटर टर्बो पेट्रोल (TGDi) आणि 2.0-लिटर क्रायोटेक डिझेल इंजिन समाविष्ट आहेत. याशिवाय, इलेक्ट्रिक व्हर्जन (ईव्ही) देखील सादर होणार असून, त्यात 65kWh आणि 75kWh बॅटरी पॅक असतील. पेट्रोल आणि डिझेल व्हर्जन नोव्हेंबर 2025 मध्ये, तर इलेक्ट्रिक व्हर्जन जानेवारी 2025 मध्ये बाजारात येण्याची शक्यता आहे.

1.5-लिटर टर्बो पेट्रोल इंजिन 170 बीएचपी पॉवर आणि 280 एनएम टॉर्क देईल, तर डिझेल इंजिन 170 बीएचपी पॉवर आणि 350 एनएम टॉर्कसह उपलब्ध असेल. दोन्ही इंजिन्सना 6-स्पीड मॅन्युअल आणि ऑटोमॅटिक ट्रान्समिशन पर्याय मिळतील. इलेक्ट्रिक व्हर्जनची रेंज 500 किमींपेक्षा जास्त असेल आणि 75kWh बॅटरीसह AWD पर्याय देखील उपलब्ध राहील.

डिझाइनमध्ये नवीन सिएरा मूळ क्लासिक लूक कायम ठेवत, आधुनिक आणि फ्युचरिस्टिक टचसह येत आहे. यात LED DRLs, प्रोजेक्टर हेडलॅम्प्स, पॅनोरमिक सनरूफ, डिजिटल इन्स्ट्रुमेंट क्लस्टर, मोठा टचस्क्रीन इन्फोटेनमेंट सिस्टम, कनेक्टेड कार तंत्रज्ञान, ADAS, प्रीमियम इंटीरियर आणि प्रशस्त सीटिंग सारखी वैशिष्ट्ये असतील. या सर्व नव्या सुविधांसह टाटा सिएरा पुन्हा एकदा एसयूव्ही प्रेमींमध्ये उत्साह निर्माण करणार आहे.

---------------

हिंदुस्थान समाचार / Suraj Chaugule