अकोला, 13 ऑक्टोबर (हिं.स.)। अकोला जिल्ह्यातील नोकरी इच्छुक उमेदवारांसाठी खासगी क्षेत्रातील नोकरीच्या संधी उपलब्ध व्हाव्यात यासाठी जिल्हा कौशल्य विकास, रोजगार व उद्योजकता मार्गदर्शन केंद्राच्या वतीने दि. १५ ऑक्टोबर रोजी सकाळी ११ वा. पंडित दीनदयाल उपाध्याय रोजगार मेळाव्याचे आयोजन करण्यात आले आहे.

या मेळाव्यात ३ नामांकित खाजगी कंपन्यांमार्फत एकूण १०० रिक्त पदांची भरती केली जाणार आहे. यामध्ये शैक्षणिक पात्रता दहावी, बारावी, आयटीआय, पदविका, पदवीधर उमेदवारांना संधी उपलब्ध आहेत. या मेळाव्याकरिता ऑनलाईन अर्ज महास्वयम वेब पोर्टलच्या माध्यमातून करावा व मुलाखतीसाठी रोजगार मेळाव्यास प्रत्यक्ष उपस्थित राहावे, असे आवाहन सहायक आयुक्त प्रफुल्ल शेळके यांनी केले आहे.

जास्तीत जास्त नोकरी इच्छूक उमेदवारांनी आपले बायोडाटा, शैक्षणिक कागदपत्रे, तसेच पासपोर्ट साईज फोटो व इतर आवश्यक कागदपत्रासह जिल्हा कौशल्य विकास, रोजगार व उद्योजकता मार्गदर्शन केंद्र, जिल्हाधिकारी कार्यालय परिसर, प्रशासकीय इमारत, दुसरा माळा, अकोला येथे स्वखर्चाने उपस्थित राहून संधीचा लाभ घ्यावा. मेळाव्यासंबंधीत अधिक माहिती करिता या कार्यालयाच्या दुरध्वनी क्रमांक ०७२४ - २४३३८४९ किंवा ७०२४२४१०९८ किंवा ९४२१४२५०६६ या भ्रमणध्वनी क्रमांकावर संपर्क साधावा, असे आवाहन सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र यांनी केले आहे.

---------------

हिंदुस्थान समाचार / जयेश गावंडे