गडचिरोली., 13 ऑक्टोबर (हिं.स.)
आगामी जिल्हा परिषद सार्वत्रिक निवडणुकीच्या दृष्टीने अत्यंत महत्त्वाचा टप्पा पार पडला असून, गडचिरोली जिल्हा परिषदेच्या ५१ निवडणूक विभागांसाठीची आरक्षण सोडत आज, १३ ऑक्टोबर २०२५ रोजी गडचिरोली येथे जाहीर करण्यात आली. जिल्हा नियोजन समिती सभागृह, जिल्हाधिकारी कार्यालय येथे जिल्हाधिकारी यांच्या अध्यक्षतेखाली ही सभा संपन्न झाली.
महाराष्ट्र जिल्हा परिषद आणि पंचायत समित्या (जागांच्या आरक्षणाची पध्दत व चक्रानुक्रम) नियम, २०२५ नुसार ही आरक्षण सोडत काढण्यात आली. उप जिल्हा निवडणूक अधिकारी श्री. राहूल जाधव यांच्या प्रमुख मार्गदर्शनाखाली ही संपूर्ण प्रक्रिया पार पडली. यावेळी नायब तहसिलदार (निवडणूक) श्री. हेमंत मोहरे आणि सहा. महसूल अधिकारी श्री. प्रशांत चिटमलवार उपस्थित होते.
या आरक्षण सोडतीमुळे जिल्ह्यातील राजकीय वातावरण तापले असून, विविध राजकीय पक्षांचे पदाधिकारी आणि निवडणुकीसाठी इच्छुक असलेले नागरिक मोठ्या संख्येने सभागृहात उपस्थित होते.
आरक्षण सोडतीचा तपशील:
जिल्हा परिषदेच्या ५१ निवडणूक विभागांसाठी निश्चित करण्यात आलेले संवर्ग खालीलप्रमाणे आहेत:
| अ.क्र. | तालुका | जिल्हा परिषद निवडणूक विभागाचा क्रमांक व नाव | आरक्षित झालेला संवर्ग |
|---|---|---|---|
| 1 | कोरची| कोटरा-बिहिटेकला | अनुसूचित जमाती-महिला |
| 2 | कोरची | बेडगाव-कोटगुल | अनुसूचित जमाती |
| 3 | कुरखेडा| पलसगड-पुराडा | अनुसूचित जमाती |
| 4 | कुरखेडा | तळेगांव-वडेगाव | अनुसूचित जमाती |
| 5 | कुरखेडा | 05 गेवर्धा-गोठणगाव | नामाप्र-महिला |
| 6 | कुरखेडा | 06 कढोली-सावलखेडा | अनुसूचित जमाती |
| 7 | कुरखेडा | 07 अंगारा-येंगलखेडा | अनुसूचित जमाती-महिला |
| 8 | देसाईगंज | 08 कोरेगाव-डोंगरगाव (हलबी) | नामाप्र |
| 9 | देसाईगंज | 09 विसोरा-सांवगी | नामाप्र-महिला |
| 10 | देसाईगंज | 10 कुरुड-कोकडी | सर्वसाधारण |
| 11 | आरमोरी | 11 वैरागड-मानापूर | अनुसूचित जमाती-महिला |
| 12 | आरमोरी | 12 पळसगांव-जोगीसाखरा | नामाप्र |
| 13 | आरमोरी | 13 ठाणेगांव-इंजेवारी | सर्वसाधारण |
| 14 | आरमोरी | 14 सिर्सी-वडधा | अनुसूचित जमाती |
| 15 | धानोरा | 15 मुस्का-मुरुमगांव | अनुसूचित जमाती-महिला |
| 16 | धानोरा | 16 येरकड-रांगी | अनुसूचित जमाती-महिला |
| 17 | धानोरा | 17 चातगांव-कारवाफा | अनुसूचित जमाती |
| 18 | धानोरा | 18 पेंढरी-गट्टा | अनुसूचित जमाती |
| 19 | गडचिरोली | 19 मौशिखांब-मुरमाडी | नामाप्र |
| 20 | गडचिरोली | 20 वसा-पोर्ला | नामाप्र-महिला |
| 21 | गडचिरोली | 21 कोटगल-मुरखळा | अनुसूचित जाती |
| 22 | गडचिरोली | 22 जेप्रा-विहिरगाव | नामाप्र |
| 23 | गडचिरोली | 23 मुडझा-येवली | नामाप्र-महिला |
| 24 | चामोर्शी | 24 कुनघाडा रै-तळोधी मो. | सर्वसाधारण - महिला |
| 25 | चामोर्शी | 25 विसापूर रै-कुरुळ | सर्वसाधारण-महिला |
| 26 | चामोर्शी | 26 विक्रमपूर-फराडा | नामाप्र-महिला |
| 27 | चामोर्शी | 27 भेंडाळा-मुरखळा | नामाप्र |
| 28 | चामोर्शी | 28 लखमापूर बोरी-गणपूर रै | नामाप्र |
| 29 | चामोर्शी | 29 हळदवाही-रेगडी | सर्वसाधारण |
| 30 | चामोर्शी | 30 घोट-सुभाषग्राम | सर्वसाधारण -महिला |
| 31 | चामोर्शी | 31 दुर्गापूर-वायगाव | सर्वसाधारण - महिला |
| 32 | चामोर्शी | 32 आष्टी-इल्लूर | सर्वसाधारण |
| 33 | मुलचेरा | 33 कालीनगर-विवेकानंदपूर | नामाप्र-महिला |
| 34 | मुलचेरा | 34 सुंदरनगर-गोमणी | सर्वसाधारण - महिला |
| 35 | मुलचेरा | 35 कोठारी- शांतीग्राम | नामाप्र-महिला |
| 36 | एटापल्ली | 36 जारावंडी-कसनसूर | अनुसूचित जमाती |
| 37 | एटापल्ली | 37 गट्टा-हेडरी | अनुसूचित जमाती |
| 38 | एटापल्ली | 38 गेदा-हालेवारा | अनुसूचित जमाती-महिला |
| 39 | एटापल्ली | 39 पंदेवाही स.-बुर्गी स. | अनुसूचित जमाती-महिला |
| 40 | भामरागड | 40 आरेवाडा-लाहेरी | अनुसूचित जमाती |
| 41 | भामरागड | 41 कोठी-येचली | अनुसूचित जमाती-महिला |
| 42 | अहेरी | 42 खमनचेरु-नागेपल्ली | अनुसूचित जमाती-महिला |
| 43 | अहेरी | 43 वेलगुर-आलापल्ली | सर्वसाधारण |
| 44 | अहेरी | 44 महागांव-देवलमारी | अनुसूचित जमाती |
| 45 | अहेरी | 45 पेरमीली-राजाराम | अनुसूचित जमाती-महिला |
| 46 | अहेरी | 46 रेपनपल्ली-उमानूर | अनुसूचित जाती |
| 47 | अहेरी | 47 जिमलगट्टा-पेठा | अनुसूचित जमाती-महिला |
| 48 | सिरोंचा | 48 झिगांनूर-आसरअल्ली | सर्वसाधारण |
| 49 | सिरोंचा | 49 विठ्ठलरावपेठा माल-जाफ्राबाद चेक | अनुसूचित जाती-महिला |
| 50 | सिरोंचा | 50 नारायणपूर-जानमपल्ली | अनुसूचित जाती-महिला |
| 51 | सिरोंचा | 51 लक्ष्मीदेवीपेठा-अंकिसा माल | अनुसूचित जाती-महिला |
आरक्षण निश्चितीनंतर आता निवडणूक आयोगाच्या पुढील सूचनांकडे आणि प्रत्यक्ष निवडणूक कार्यक्रमाकडे सर्वांचे लक्ष लागून राहिले आहे. या आरक्षणामुळे अनेक विद्यमान सदस्यांना नवीन मतदारसंघातून निवडणूक लढवावी लागणार असून, अनेक नवीन इच्छुकांना संधी मिळाली आहे.
--------------
हिंदुस्थान समाचार / Milind Khond
