मुंबई, 16 ऑक्टोबर, (हिं.स.)। दिवाळी हा केवळ उत्सवांचा काळ नाही तर आराम आणि काही क्षणांची शांतता अनुभवण्याची देखील सुवर्णसंधी असते. आजच्या धकाधकीच्या जीवनात स्वत:साठी वेळ काढणे खूपच विशेष ठरते. या दिवाळीत तुम्ही खालील सहा वेगवेगळ्या कथांमध्ये तुम्ही वेगळा अनुभव घेऊ शकता:

१. किचन गॉड – Pocket TV

‘किचन गॉड’ हा साधा कुकिंग रियालिटी शो नाही, तर यात एक ट्विस्ट आहे! प्रत्येक स्पर्धक मुखवटे घालून स्पर्धेत भाग घेतो, आपली ओळख लपवतो आणि प्रेक्षकांना फक्त संकेत देतो. अंतिम विजयाची ओळखच शेवटी उलगडते. या थ्रिलिंग स्पर्धेबरोबरच ही मालिका कुटुंबाचे रहस्य, फसवणूक, भावनिक उपचार आणि अन्नप्रेम अशा अनेक थरांनी भरलेली आहे.

२. थम्मा – थिएटर्स

‘थम्मा’ हा Maddock Films Horror-Comedy युनिव्हर्समधील नवीन हॉरर-कॉमेडी आहे, ज्यात आयुष्यमान खुराना आणि रश्मिका मंदाना मुख्य भूमिकेत आहेत. भारतीय लोककथा आणि व्हॅम्पायर मिथॉलॉजीचा संगम करणारी हा सुपरनॅचरल रोमँस आहे. आयुष्यमान unintentionally 1000 वर्षांचा राक्षस सोडतो आणि त्याला व्हॅम्पायर क्षमताही मिळतात. त्याच्या नवीन शक्तींशी जुळवून घेताना त्याची भेट रश्मिकासोबत होते आणि त्यांच्या प्रेमाची संघर्षमय कथा प्रेक्षकांना थक्क करणारी ठरते.

३. रिश्कियां – Pocket TV

‘रिश्कियां’ ही प्रेम, विश्वास आणि चिकाटीची कथा आहे. अरोही (युक्ती कपूर), राजस्थानची साधी आणि कणखर मुलगी. दिल्लीमध्ये काम करताना तिच्या वडिलांच्या मृत्यूनंतर तिच्या जीवनात अनेक वळणं येतात. तिचा भविष्यसंगिनी आणि काका यांच्याकडून फसवणूक होते, आणि नंतर ती राघव (निशांत मलकानी) याला भेटते, जो एक बहु-कोटी संपत्तीचा माणूस भिकारी बनून तिच्या मदतीसाठी उभा राहतो.

४. रे – Netflix

‘रे’ ही आकर्षक अँथॉलॉजी सीरीज आहे, जी सतयजित रे यांच्या चार शॉर्ट स्टोरीजला आधुनिक रूप देते. प्रत्येक एपिसोड मानवी भावना जसे की अहंकार, ईर्ष्या, प्रसिद्धी, आणि अपराधी भावना यावर प्रकाश टाकतो, काही वेळा साय-फाय तत्त्वांसह.

५. फिर से रीस्टार्ट – Pocket TV

‘फिर से रीस्टार्ट’ मध्ये प्रसिद्ध सेलिब्रिटी जरीन खान चा प्रवास दाखवला आहे, जिथे ती आपल्या कॉस्ट्युम डिझायनरच्या क्रिएशनवर समाधानी नसते आणि नवीन टॅलेंट शोधण्यासाठी एक स्पर्धा आयोजित करते.

६. अनपॉज्ड : नया सफर – Prime Video

पहिल्या COVID-19 लॉकडाऊनच्या काळात सेट केलेली ही मालिका पाच शॉर्ट फिल्म्सच्या रूपात प्रेक्षकांसमोर येते. प्रत्येक कथा वेगवेगळ्या दिग्दर्शकांकडून साकारली गेली असून, एकाकीपणा, नुकसान, चिकाटी आणि अप्रत्याशित मानवी संबंध या विषयांवर प्रकाश टाकते. ही मालिका संकटाच्या काळात आशा आणि उपचाराचे संदेश देते.

---------------

हिंदुस्थान समाचार / हर्षदा गावकर