नाशिक, 17 ऑक्टोबर (हिं.स.) : भारताचे स्वदेशी लढाऊ विमान तेजस एमके1ए ने आज आपल्या इतिहासातील पहिले उड्डाण केले. हिंदुस्तान एरोनॉटिक्स लिमिटेडच्या (एचएएल) नाशिक येथील एअरक्राफ्ट मॅन्युफॅक्चरिंग डिव्हिजनमधून हे पहिले उड्डाण पार पडले. या वेळी देशाचे संरक्षण मंत्री राजनाथ सिंह उपस्थित होते

याच वेळी एलसीए तेजस एमके1ए ची तिसरी उत्पादन यंत्रणा (प्रोडक्शन लाईन) सुरू करण्यात आली. हे भारतात लढाऊ विमान निर्मितीच्या दिशेने एक महत्त्वाचे पाऊल मानले जात आहे. पहिल्या ऐतिहासीक उड्डाणापूर्वीच गुरुवारी, संरक्षण मंत्री राजनाथ सिंह यांनी एचएएलच्या 'मिनी स्मार्ट टाउनशिप' प्रकल्पाचे उद्घाटन केले आणि त्यांचे सतत विकासासाठीचे प्रयत्न कौतुकास्पद असल्याचे सांगितले. त्यांनी एचएएलच्या या मॉडेलला इतर उद्योगांसाठी एक बेंचमार्क (दृष्टीसंपन्न आदर्श) ठरवण्याची क्षमता असल्याचे म्हटले. त्यांनी एचएएल परिवाराचे या दिशेतील प्रयत्नांसाठी अभिनंदनही केले.

राजनाथ सिंह म्हणाले, “संपूर्ण जग आज पर्यावरण संवर्धनाची गरज व्यक्त करत आहे, आणि अशा काळात एचएएलने त्यांच्या टाउनशिपच्या माध्यमातून एक उत्कृष्ट उदाहरण निर्माण केले आहे.

000000000000000

वायुसेनेत तेजस एमके1ए कधी सामील होणार?

सध्या तेजस एमके1ए भारतीय वायुसेनेत नेमके कधी सामील होणार, यासंदर्भात ठोस तारीख जाहीर झालेली नाही. मात्र एचएएलने स्पष्ट केले आहे की येत्या 4 वर्षांत 83 तेजस एमके-ए लढाऊ विमाने भारतीय वायुसेनेला पुरवण्याचे लक्ष्य ठेवण्यात आले आहे. असे सांगितले जात आहे की, अमेरिकन इंजिनच्या पुरवठ्यात होणाऱ्या विलंबामुळे विमानांच्या निर्मितीत काहीसा उशीर होत आहे.

नाशिकमधील एचएएलच्या उत्पादन यंत्रणेमध्ये दरवर्षी 8 लढाऊ विमाने तयार करण्याची क्षमता आहे. याव्यतिरिक्त, बेंगळुरू येथील 2 उत्पादन यंत्रणांमधून दरवर्षी 16 लढाऊ विमाने तयार केली जातात.

तेजस एमके1ए ची पहिली उड्डाण हा भारताच्या स्वदेशी संरक्षण उत्पादन क्षमतेच्या दिशेने एक मोठा टप्पा आहे. यामुळे भारताच्या आत्मनिर्भरतेच्या दृष्टिकोनाला अधिक बळ मिळेल.

---------------------------

हिंदुस्थान समाचार / मनीष कुलकर्णी