इस्लामाबाद, 20 ऑक्टोबर (हिं.स.)।पाकिस्तानचे पंतप्रधान शहबाज शरीफ यांनी दिवाळीच्या निमित्ताने हिंदू समुदायाला शुभेच्छा दिल्या आहेत. त्यांनी शांतता, सलोखा आणि सामायिक समृद्धीची इच्छा व्यक्त करत सर्व नागरिकांना सहकार्य करण्याचे आवाहन केले.

पाकिस्तानचे पंतप्रधान शहबाज शरीफ यांनी दिवाळीच्या निमित्ताने देशातील तसेच जगभरातील हिंदू समुदायाला शुभेच्छा देताना सोशल मीडिया प्लॅटफॉर्म ‘एक्स’वर लिहिले, “जसे दिवाळीचा प्रकाश घर आणि हृदय उजळवतो, तसेच हा सण अंधार दूर करावा, सौहार्द वाढवावा आणि आपल्याला शांतता, सहानुभूती आणि सामायिक समृद्धीकडे मार्गदर्शन करावा.”

शहबाज शरीफ यांनी पुढे म्हटले की, दिवाळीची भावना जी अंधारावर प्रकाश, वाईटावर चांगुलपणा आणि निराशेवर आशेचा विजय दर्शवते, ती भावना समाजातील असहिष्णुता आणि विषमता यांसारख्या आव्हानांचा सामना करण्यासाठी आपल्या सामूहिक निश्चयाला बळकट करते.पुढे पंतप्रधानांनी सर्व नागरिकांना आवाहन केले की, धर्म किंवा पार्श्वभूमी काहीही असो, प्रत्येक व्यक्तीने शांततेने जगावे आणि प्रगतीत आपले योगदान द्यावे.

---------------

हिंदुस्थान समाचार / Priyanka Bansode