बेलग्रेड, 28 ऑक्टोबर (हिं.स.)भारतीय कुस्तीगीर सुजीत कालकलने २३ वर्षांखालील जागतिक कुस्ती स्पर्धेत पुरुषांच्या फ्रीस्टाइल ६५ किलो गटात सुवर्णपदक पटकावले. सुजीतने एकतर्फी झालेल्या अंतिम फेरीत उझबेकिस्तानच्या उमिदजोन जालोलोव्हचा १०-० असा पराभव केला. ही लढत चार मिनिटे आणि ५४ सेकंद चालली, त्यानंतर पंचांनी भारतीय कुस्तीगीर सुजीतला विजेता घोषित केले.

सुजीतने तांत्रिक श्रेष्ठतेनुसार उझबेकिस्तान कुस्तीगीरवर विजय मिळवला. सुजीतने यापूर्वी कधीही जागतिक विजेतेपद जिंकले नव्हतेय पण त्याने २०२२ आणि २०२५ मध्ये अंडर-२३ आशियाई अजिंक्यपद आणि २०२२ मध्ये अंडर-२० आशियाई अजिंक्यपद स्पर्धेत सुवर्णपदक जिंकले. सुजीतने गेल्या वर्षी त्याच स्पर्धेत कांस्यपदक जिंकले होते, परंतु यावेळी तो पदकाचा रंग बदलण्यात यशस्वी झाला.

सुजीतने तांत्रिक श्रेष्ठतेनुसार त्याचे पहिले दोन सामने जिंकले. त्याने मोल्दोव्हाच्या फियोडोर कीवदारीचा १२-२ आणि पोलंडच्या डोमिनिक जाकुबचा ११-० असा पराभव केला. उपांत्यपूर्व फेरीत तो बशीर मगोमेदोव्हपेक्षा मागे होता पण ४-२ असा विजय मिळवून उपांत्य फेरीत पोहोचला. उपांत्य फेरीत सुजीतने जपानच्या युतो निशिउचीचा ३-२ असा पराभव करून अंतिम फेरीत प्रवेश केला होता.

हिंदुस्थान समाचार / वृषाली देशपांडे