इस्लामाबाद, 30 ऑक्टोबर (हिं.स.)पाकिस्तान क्रिकेट बोर्डाने २०२५-२६ च्या हंगामासाठी देशांतर्गत क्रिकेटपटूंच्या करारांची संख्या वाढवली आहे. गेल्या हंगामात १३१ क्रिेकेटपटूंशी करार देण्यात आले होते. आता यादीत १५७ क्रिकेटपटूंचा समावेश करण्यात आला आहे.

पीसीबीने यावेळी क्रिकेटपटूंना चार नवीन श्रेणींमध्ये विभागले आहे:

श्रेणी अ: ३० क्रिकेटपटू

श्रेणी ब: ५५ क्रिकेटपटू

श्रेणी क: ५१ क्रिकेटपटू

श्रेणी ड: २१ क्रिकेटपटू

बोर्डाच्या एका अधिकाऱ्याने सांगितले की, हे करार मागील हंगामातील क्रिकेटपटूंच्या कामगिरीच्या आधारे निश्चित करण्यात आले आहेत.

यावेळी पीसीबीने नेमके शुल्क जाहीर केले नसले तरी, २०२४-२५ हंगामासाठी निश्चित केलेले वेतन खालीलप्रमाणे होते:

श्रेणी अ: दरमहा ५.५ लाख पाकिस्तानी रुपये

श्रेणी ब: ४ लाख रुपये

श्रेणी क: २.५ लाख रुपये

याव्यतिरिक्त क्रिकेटपटूंना सामना शुल्क देखील दिले जाते.

प्रथम श्रेणी सामने: २ लाख रुपये

लिस्ट अ सामने: १.२५ लाख रुपये

टी-२० सामने: १ लाख रुपये

पीसीबीने म्हटले आहे की, ते बहुतेक आंतर-प्रादेशिक स्पर्धांना अनुदान देते, तर त्यांच्या स्पर्धांसाठी विभागीय संघांच्या सहभाग शुल्क आकारते. हे पाऊल देशांतर्गत रचना मजबूत करण्यासाठी आणि अधिक क्रिकेटपटूंना संधी प्रदान करण्याच्या दिशेने एक मोठी सुधारणा मानली जात आहे.

---------------

हिंदुस्थान समाचार / वृषाली देशपांडे