सोलापूर, 4 ऑक्टोबर (हिं.स.)।

मध्य रेल्वे प्रशासनाकडून प्रवाशांच्या वाढत्या गर्दीचा व मागणीचा विचार करून सहा विशेष रेल्वेगाड्या सोडण्याचा निर्णय घेतला असून या गाड्यांच्या कालावधीचा विस्तार करण्यात आला आहे.

गाडी क्रमांक 01436 लोकमान्य टिळक टर्मिनस - सोलापूर ही साप्ताहिक विशेष गाडी, जी पूर्वी 01 सप्टेंबरपर्यंत धावणार होती, ती आता 08 ऑक्टोबर ते 31 डिसेंबरपर्यंत वाढवली आहे. या गाडीच्या एकूण 13 फेर्‍या होतील. गाडी क्रमांक 01435 सोलापूर - लोकमान्य टिळक टर्मिनस ही साप्ताहिक विशेष गाडी, जी पूर्वी 30 सप्टेंबरपर्यंत धावणार होती, ती आता 07 ऑक्टोबर ते 30 डिसेंबरपर्यंत धावणार आहे. याचेही 13 फेर्‍या होतील.गाडी क्रमांक 01461 सोलापूर - दौंड ही अनारक्षित दैनंदिन विशेष गाडी, जी पूर्वी 30 सप्टेंबरपर्यंत होती, ती आता 01 ऑक्टोबरपासून 31 डिसेंबर या दरम्यान धावेल. या गाडीचे 92 फेर्‍या होणार आहेत. गाडी क्रमांक 01462 दौंड - सोलापूर ही अनारक्षित दैनंदिन विशेष गाडी 30 सप्टेंबरपर्यंत होती, ती आता 31 डिसेंबरपर्यंत असेल. याही गाडीचे एकूण 92 फेर्‍या होतील.

---------------

हिंदुस्थान समाचार / यशपाल गायकवाड