अमरावती, 5 ऑक्टोबर (हिं.स.)
अमरावती मॅरॉथॉन असोशिएशन व्दारे आज रविवारी (ता. पाच) आयोजित आठव्या अमरावती मॅरॉथन स्पर्धेमध्ये अमरावतीसोबतच, राज्यातील व राज्याबाहेरील तीन हजाराहून अधिक धावकांनी सहभाग नोंदविला. ही मॅरॉथॉन २१ किलोमीटर, १० किलोमीटर व पाच किलोमीटर फिटनेस रन सर्वाकरिता तसेच पाच किलोमीटर मुलांकरीता या प्रकारात पार पडली .
२१ किलोमीटरची स्पर्धा रविवारी सकाळी ६ वाजता सुरु करण्यात आली . तर दहा किलोमीटर पॉवर रन सकाळी ६.१५ वाजता, पाच किलोमीटर मुलांचा रन पहाटे ६.३० वाजता आणि पाच किलोमीटर फिटनेस रन सकाळी ६.४० प्रारंभ करण्यात आला .२१ किलोमीटर मैराथॉन शिवाजी शारिरीक शिक्षण महाविद्यालयाच्या प्रांगणातून सुरू झाली . नंतर पंचवटी मार्गे वेलकम पॉईन्ट, बियाणी चौक, गर्ल्स हायस्कूल चौक, गाडगेबाबा मंदिराकडे फ्लायओव्हरवरून गाडगेनगर, कठोरा नाका ते पोटे इंजिनिअरिंग कॉलेज व तेथून युटर्न घेऊन परत याच मागनि मॅरेथॉन सुरू झालेल्या ठिकाणी संपविण्यात आली.
१० किलोमीटरच्या मॅरेथॉनचा मार्ग शिवाजी शारिरीक शिक्षण महाविद्यालयाच्या प्रांगणातून सुरू झाली नंतर पंचवटी मार्गे वेलकम पॉईन्ट, बियाणी चौक, गर्ल्स हायस्कूल चौक, गाडगेबाबा मंदिरा कडे फ्लायओव्हर पुलावरून गाडगेनगर वतेथून युटर्न घेऊन परत याच मार्गाने मॅरेथॉन सुरू झालेल्या ठिकाणीच मॅरेथॉन संपली . ५ किलोमीटरची स्पर्धा शिवाजी शारिरीक शिक्षण महाविद्यालयाच्या प्रांगणातून सुरू झाली नंतर पंचवटीमार्गे वेलकम पॉईन्ट ते विभागीय आयुक्त कार्यालय व तेथून युटर्न घेऊन परत याच मागनि मॅरेथॉन संपविण्यात आली धावमार्गात शारिरीक वेदनाशामक स्प्रे सुध्दा ठेवण्यात आले होते . मॅरॉथॉन सुरळीत पार पडण्यासाठी पोलीस आयुक्त कार्यालयाकडून वाहतूक पोलिसाची मदत घेण्यात आली.
---------------
हिंदुस्थान समाचार / अरुण जोशी
