गडचिरोली, 6 ऑक्टोबर (हिं.स.)

गडचिरोली जिल्ह्यातील सन 2025-26 या वर्षासाठी खरीप हंगामी पैसेवारी जाहीर करण्यात आली असून, जिल्ह्याची सरासरी पैसेवारी 0.72 इतकी निश्चित करण्यात आली आहे. तहसीलदारांकडून प्राप्त माहितीच्या आधारे जिल्हा प्रशासनाने ही संकलित पैसेवारी जाहीर केली असल्याची माहिती जिल्हाधिकारी अविश्यांत पंडा यांनी दिली.

जिल्ह्यात एकूण 1689 गावे असून त्यापैकी 1558 गावे खरीप पिकाखाली आहेत. याशिवाय रब्बी पिकासाठी पात्र आणि खरीप पिकाच्या दोन-तृतीयांश क्षेत्राखाली येणाऱ्या 4 गावे या वर्गात गणल्या गेल्या आहेत. खरीप पिकाखाली असलेल्या गावांपैकी 58 गावांत यावर्षी पिके झालेली नाहीत.

खरीप पिकाखालील 1504 गावांमध्ये पैसेवारी 50 पैशांपेक्षा जास्त असल्याचे नोंदले गेले असून 50 पैशांखाली पैसेवारी असलेले कोणतेही गाव नाही.

---------------

हिंदुस्थान समाचार / Milind Khond