छत्रपती संभाजीनगर, 7 ऑक्टोबर, (हिं.स.)। डॉ.बाबासाहेब आंबेडकर मराठवाडा विद्यापीठाच्या केंद्रीय अविष्कार महास्पर्धेत विजेते ठरलेल्या ४८ संघांची राज्य स्पर्धेसाठी निवड करण्यात आली आहे. नाशिकच्या यशवंतराव चव्हाण महाराष्ट्र मुक्त विद्यापीठात दिवाळीनंतर स्पर्धा होणार आहे.

विद्यार्थ्यांचा नाविन्यपूर्ण कल्पना व प्रयोगांना वाव देण्या-या संशोधकांच्या ’आविष्कार’चे आयोजन करण्यात आले. विद्यार्थ्यांच्या संशोधन व जिज्ञासूवृत्तींना प्रोत्साहन देण्यासाठी राजभवनच्या वतीने राज्यस्तरीय आविष्कार स्पर्धेचे आयोजन करण्यात येते. त्यापूर्वी ही विद्यापीठस्तरीय स्पर्धा घेण्यात आली. विद्यापीठाच्या नाटयगृहात स्पर्धेचा समारोप व पारितोषिक उद्योजक विवेक देशपांडे यांच्या हस्ते करण्यात आले. अध्यक्षस्थानी प्रकुलगुरु डॉ.वाल्मिक सरवदे होते . यावेळी कुलसचिव डॉ. प्रशांत अमृतकर, व्यवस्थापान परिषद सदस्य डॉ .गजानन सानप, प्राचार्य भारत खंदारे, ’आविष्कार’चे समन्वयक डॉ.भास्कर साठे, विद्यार्थी विकास मंडळ संचालक डॉ.कैलास अंभुरे यांची उपस्थिती होती. जिल्हा स्पर्धेतून निवडण्यात आलेले सहा गटातून ६२१ संशोधक स्पर्धेत सहभागी झाले.

युवक महोत्सवाप्रमाणेच अविष्कार स्पर्धा यंदापासून जिल्हानिहाय घेण्यात आली.

केंद्रीय अविष्कार स्पर्धेत विजेते ठरलेले प्रत्येक गटातील आठ संघ राज्यस्तरीय स्पर्धेत सहभागी होणार आहेत. नाशिकच्या यशवंतराव चव्हाण महाराष्ट्र मुक्त विद्यापीठात दिवाळीनंतर ही स्पर्धा होणार आहे.

यामध्ये.मानव्यविद्या, भाषा आणि ललित कला,वाणिज्य, व्यवस्थापनशास्त्र आणि विधी.विज्ञान शाखा, कृषी आणि पशुसंवर्धन अभियांत्रिकी आणि तंत्रज्ञानऔषधनिर्माण शास्त्र या विद्याशाखांचा समावेश आहे, अशी माहिती डॉ.प्रवीण यन्नावार यांनी दिली.

हिंदुस्थान समाचार / Hanumant Madanrao Chitnis