रत्नागिरी, 7 ऑक्टोबर, (हिं. स.) : मराठी भाषा दोन हजार वर्षांपेक्षाही जुनी आहे. विद्यार्थ्यांनी वृत्तपत्रातील अग्रलेख नियमित वाचावा, असे मार्गदर्शन व्याख्याते माधव अंकलगे यांनी केले.

जिल्हा ग्रंथालय अधिकारी कार्यालयात अभिजात मराठी भाषा सप्ताहाचे आयोजन करण्यात आले आहे त्यावेळी ते बोलत होते. अभिजात मराठी भाषा विषयावर विद्यार्थ्यांशी संवाद साधताना त्यांनी मराठी भाषेला अभिजात दर्जा कसा मिळाला, त्यासाठी कोणते निकष मराठी भाषेला पार करावे लागले, याबाबत माहिती दिली. विद्यार्थ्यांनी कोणकोणत्या पुस्तकांचे वाचन करावे, याबाबत विवेचन केले.

ग्रंथप्रदर्शनाचे उद्घाटन श्री अंकलगे यांनी केले. हे ग्रंथप्रदर्शन १५ ऑक्टोबर २०२५ पर्यंत सुरू राहील. कार्यक्रमाला कमळाबाई इंग्लिश मीडियम स्कूलचे विद्यार्थी उपस्थित होते.

---------------

हिंदुस्थान समाचार / रत्नागिरी