रत्नागिरी, 9 ऑक्टोबर, (हिं. स.) : रत्नागिरी कृषी उत्पन्न बाजार समितीचे सभापती संदीप सुर्वे यांनी मत्स्यव्यवसाय मंत्री नीतेश राणे यांची सदिच्छा भेट घेऊन त्यांच्याशी विविध विषयांवर चर्चा केली.

रत्नागिरी जिल्हा कृषी उत्पन्न बाजार समितीच्या सभापतिपदाची अलीकडेच निवड झाली. त्यामध्ये प्रथमच संदीप सुर्वे यांच्या रूपाने भाजपचा संचालक सभापती झाला. कृषी उत्पन्न बाजार समितीच्या माध्यमातून रत्नागिरीतील मच्छी व्यावसायिकांच्या उन्नतीसाठी आणि विविध योजना राबवण्यासाठी श्री. राणे यांची महत्त्वाचे सहकार्य मिळावे, अशी विनंती सभापती सुर्वे यांनी केली.

श्री. राणे यांनी आवश्यक ती मदत करण्याचे आश्वासन श्री. सुर्वे यांना दिले.

---------------

हिंदुस्थान समाचार / रत्नागिरी