अंकारा, 9 ऑक्टोबर (हिं.स.)।तुर्कीमध्ये गुरुवारी (दि.९) पुन्हा एकदा भूकंपाचे धक्के जाणवले आहेत. या भूकंपाची तीव्रता 4.7 रिश्टर स्केलवर नोंदवण्यात आली आहे. सुरुवातीला या भूकंपाची तीव्रता 5.33 असल्याचे नमूद करण्यात आले होते, मात्र नंतर जीएफझेडच्या वेबसाइटवर त्याची तीव्रता 4.7 नोंदवली गेली.

जर्मन भूविज्ञान संशोधन केंद्र (जीएफझेड) च्या माहितीनुसार,

हा भूकंप स्थानिक वेळेनुसार गुरुवारी पहाटे 2:54 वाजता आला आणि त्याचे केंद्र 10 किलोमीटर (6.21 मैल) खोलीवर होते. संयुक्त राष्ट्र भूवैज्ञानिक सर्वेक्षण (युएसजीएस) ने या भूकंपाची तीव्रता 4.9 अशी नोंदवली असून त्याचे केंद्र एमेटपासून 17 किलोमीटर दक्षिण-पश्चिम आणि 7.4 किलोमीटर खोलीवर होते. सध्या तरी या भूकंपामुळे कोणतीही जीवितहानी किंवा मालमत्तेच्या नुकसानीची माहिती समोर आलेली नाही.

याआधीही २ ऑक्टोबर रोजी तुर्कीत जोरदार भूकंप झाला होता. हा भूकंप इस्तांबुल आणि उत्तरे-पश्चिमेकडील भागांमध्ये जाणवला होता. भूकंपामुळे लोकांमध्ये भीतीचं वातावरण निर्माण झालं होतं आणि लोक आपल्या जीवाची रक्षा करण्यासाठी घराबाहेर धाव घेत होते. तसेच, २८ सप्टेंबर रोजी देखील उत्तर-पश्चिम तुर्कीत 5.8 तीव्रतेचा एक शक्तिशाली भूकंप झाला होता, ज्यामुळे नागरिक घराबाहेर आले होते.

तुर्कीमध्ये वारंवार भूकंप येत असतात कारण हा देश मुख्य फॉल्ट लाईन्स (भूकंपीय प्लेट्सच्या तडा जिथे मिळतात) वर स्थित आहे. २०२३ मध्ये आलेल्या 7.8 तीव्रतेच्या भीषण भूकंपात ५३,००० हून अधिक लोकांचा मृत्यू झाला होता. या भूकंपात हजारो इमारती कोसळून मोठ्या प्रमाणावर नुकसानग्रस्त झाल्या होत्या. तुर्कीतील त्या भूकंपाचे धक्के शेजारील देश सीरियाच्या उत्तर भागात देखील जाणवले होते, जिथे सुमारे ६,००० लोकांचा मृत्यू झाला होता.

---------------

हिंदुस्थान समाचार / Priyanka Bansode